[الرشيد اسماعيل محمود]

طبعاً يا بكّة، انا ما اهتمّيت بالحدث قدر اهتمامي بأسلوب الحكي، شايفك بقيت ماهر في التشويق والسرد، عليك الله شوف المشهد دة:

المشاركة الأصلية كتبت بواسطة بابكر عباس

- بس، لا لا، زي حلاوة قطن، وشفط ليهو جقمة كبيرة من كاس النبيذ الأحمر.
وأردف:
- حاجة واحدة اليومين ديل مطلعا ميتيني؟

ياخي دة مشهد سينما، أردف دي مسكت محلّها مسكة عجيبة، ياخي قرّبتَ أصدق إنو أسامة معاوية سرق كتبك

المشاركة الأصلية كتبت بواسطة بابكر عباس

إفترقنا سنة تزعين، هاجر لامريكا وتزوج من أمريكية مهاجرة من جزر الكاريبي، فاتنة الجمال، وكعادة أهل الكاريبي مفعمة بالحياة.

قلت لي مفعمة بالحياة!!، شايفك استفدت من صحبة حافظ حسين مؤخراً، ما بعيد تشارك بنص في مسابقة نوافذ الجاية.
يا كيشو،،
ما أظن صاحب بابكر استخدم كلمة "عب" كسِبّة، أنا شايف استخدامو ليها علي وجه التعيين، عشان يمنع تساؤلات متوقعة في حالات زي دي مثلا (وينو دة، ياتو فيهم، إلخ).
لكن بما إنو صاحب بكّة، فإتوقع منو أيّ حاجة