[قيس شحاته]

المشاركة الأصلية كتبت بواسطة زول الله

إدارة تتكون من المالك أو من ينوب عنه
ثم مشرفين للتنبيه والتعديل والنقل والحذف
وبس
أكتر من كدا الشغلانة بتبوظ
[/COLOR]

الحبيب الرّاقي ود الشيخ..
شوق يا زول والله ما بتبّلو الكلمات. أخبارك وعقابك كلّهم؟
هوَ ما قلتَ يا حبة؛ الكيان الإداري في المنتديات معنِي بالضرورة بضمان سلاسة التواصل والتأكد من استمرار المنتدى في القيام بمهمّته على الوجه الأكمل، والمسألة دي ما محتاجة أكتر من مشرفين يقوموا بما ذكرتَ أنت؛ للتنبيه والتعديل والنقل والحذف، وِفق ضوابط لائحية متفق عليها بين الأعضاء.

المشاركة الأصلية كتبت بواسطة زول الله

خلونا نكتب ونقرأ ونتحاور ونتشاكل ونتفق ونختلف دي الديمقراطية المطلوبة
[/COLOR]

ودا جوهر المحتوى المطلوب يا ود الشيخ! شخّصتَ العلة ولخّصتَ الحكاية تماماً يا حبيب والله.

المشاركة الأصلية كتبت بواسطة زول الله

قيس ينصر دين أبوأهلك ياخ
[/COLOR]

الله يكرم أصلك يا حبة، ويرحم ميتينك