العزيز منعم
الموضوع جدير بالمناقشة وعادة ما تتحكم فيع العواطف والعلاقات الشخصية في لحظات مناقشته
بالنسبة لي لم تكن مصر ابدا اخت بلادي الشقيقة وان وجودها ورفاهيتها دائما ما تكون علي حساب السودان بداءاّ بتصدير الاستعمار لنا مرورا ببناء السد العالي وانتهاءا بالتغول علي الأراضي اينما كانت بالسودان شرقا وشمالا
منذ امد بعيد عرف المصريون صفات السودانيين وتعاملوا معهم علي اساسها في سبيل الاستفادة القصوى منهم ووضعوا الاستراتيجيات لذلك
تاريخيا استفادت مصر اقتصاديا واجتماعيا وايضا سياسيا من السودان دون اي مقابل ودون ايضا تقدير فعلي ولو معنويا
اسوء مافي الامر هي النظرة الدونية التي تتمكن من النخبة السياسية وايضا الثقافية تجاه السودانيين والأفارقة عموما
أنا تجاربي مع المصريين كلها غير سارة حتي العملية منها لأنهم يتخذون من الفهلوة منهاجا للتعامل مع غير المصريين ..فهلوة سياسية وفهلوة عملية وفهلوة اجتماعية
وسأورد كثير من الأمثلة لاثبات ما اكتبه عن المصريين في هذا البوست لاحقاّ
يا منعم عديل كدا أنا ما بريد المصريين وبفتكر انو السياسيين السودانيين هم خلقوا وهم مصر الشقيقة في أذهان البعض من السودانيين
وقد ادى ارضاء السياسيين السودانيين للدولة المصرية ودعمها الي الكثير من الخلل في ميزان العلاقة بين الدولتين (السودان هو الامتداد الآمن لمصر)
ونواصل
تحياتي ليك وللمتداخلين
والله من زمان مغبون منهم لاني من اولاد بورتسودان وعشت قصة حلايب من بدت بي نقاط صغيرة يحرم فيها رفع العلم المصري لمن بقت استعمار حقيقي وغير حلايب برضو
سلام
|