[بابكر مخير]

الخوف، الرهبة والضعف
إتصور التلاتة ديل تجمعن وإتفقوا علينا..
الخوف دآ شيتن أمرهو عفوي وماهو شيتن يتعمل ليهو حساب في أنهو نهاية الدنيا وهو بيتولد مع الإنسان..
الطفل أول ما يتولد بيخاف من الضو ومن الجلبة الحوالينهو فيصرخ ولو لا الصرخة دي بيحصل ليهو مضاعافات ممكن تؤدي بهلاكه وحتى لو ما تلقائيا صرخ تفرض عليه صرخة الحياة فبعض المولديين (كان دايات كان أطباء) بيضربوا الوليد في عشان ينخلع ويخاف ويصرخ.
الأم بتخاف علي جناها محبة وعطف وشفقة، البنت بتخاف علي أبوها (نظرية دارون؟؟) والولد بيخاف علي أمهو، الأزواج بيخافوا علي بعض وممكن برضك من بعض.
إذن الخوف ما شيتن بتعاف ولا هو صفة ضعف وجبن.. قالوا الخواف ربآ عيالهو ومعناها حرصا على سلامتهم ورفاهم.
خاف من الله وهي أنك تحبه وتطيعه فالخوف من الأمر يجعلك تحاول أن تتجنه وتراضيه.
بخاف عليك من عيون الناس يعني بحاول أن أحميك من عين حاسد حسود..
أما الرهبة ففي رأيي هي شعور بالخوف لمن يتملكك من شئ مبهم وغير معلوم أو محسوس أو مرئي وأفتكر أنهو دآ الإحساس البيخلي الرهبان أن يعتزلوا الناس خوفا من شئ مبهم..
الضعف هو الأسوء لأنهو الإنسان يسلم أمرهو للقادم من أمور فهو ترجم الخوف بالعجز وصور الرهبة أنها النهاية فأستكان ووهن حتى قضى...
أها نحنا وين من فيروس الكرونا 19