والله اتاريك يا ابن العمة زول مطموس خلاص -- اهلك الرباطاب ديل ما خليتلهم شئ---المسكين فيصل سعد واقف فى الهجيرة-- استغفر الله فى البرد وصوته اعلى من هدير شلالات نياجارا الواقف حداها وينادى وما فى زول جايب خبرو - بس ذى حكاية اخوالك الرباطاب ديك الكانو ماشين سوق الاربحا- مكتوبة ذى مابينطقوها هناك-- واحد فيهم عندو تميرات فى الخرج -يشيل بالراحة ويكمد فى خشمو- هو قايل صاحبو مو دارى بيهو لكن صاحبو كان مأمل انو الاخر راح يقاسمو-- اها صبر صبر نامن الصبر كمل--قبل على صاحبو وقالو--اظنك قاعد تاكلك فى شئ --رد عليه الاخر-- اظنو-- فقال المسكين-- اظنك داير تدينى منو-- فجاوبه--- ظنك دا ما تظنو----
|