[elmhasi]

كتب :-

لماذا خرج الطاهر التوم مع سناء حمد للحديث عن خلافات الكيزان وما حدث قبل وبعد عزل البشير؟
🔹️ اولا عشان نفهم العمل الاعلامي ، مافي حاجه بتتعمل ساي . ولا فجأة الكيزان بقوا ناس حقيقه عشان يوثقوا للتاريخ . وبرضوا ليييه اسي ؟
♦️ الهدف من هذهـ الحلقات هي إرسال رسائل لعدة جهات .
اولا : خطاب لعضويتهم بأن التنظيم لم يكن خلف قرار قيادة الجيش بعزل البشير وان ما حدث كان من غير مشورتهم ودهـ ردا علي كلام الفريق الفاتح عروة القالوا مع سعد الكابلي . والهدف هو تماسك الجبهة الداخليه واقناع الجناح الكان واقف مع البشير وشايف انو في خيانة حصلت ليهو.
ثانيا: إرسال رسالة للعامة والناس الخايفة من رجوع الكيزان انو نحنا كويسين والحصل في زمن البشير دهـ من ناس فاسدة وأفراد والتنظيم برئ منو . وانو في ناس من داخل التنظيم كانو معترضين ودايرين التغيير.
ثالثا: محاوله الضرب في القوي السياسيه وإظهار فشلهم في قيادة الدوله خلال الفترة الانتقاليه . طبعا من غير ما يقولوا ان الفشل الحصل دهـ بفعل فاعل ، وانو الحكومه المدنية حققت إختراقات كبيرة وفكت عزلة السودان وكان عندها نجاحات كبيرة مقارنة بالفترة القصيرة والمعاكسة بتاعت الدولة العميقة .
رابعاً: محاوله تفنيد فكرة انو البرهان يعمل تحت إمرة الكيزان وانو غير منضم للتنظيم ، عشان يقولوا ان الحرب دهـ ما حقتهم والبرهان والقيادات العسكرية تعلي مصلحة المؤسسة العسكرية علي المصلحة الحزبية . طبعا دهـ كلوا عشان يصلوا لي نقطة انو الحرب دي حرب الوطن و المؤسسة العسكرية تعمل لمصلحة الوطن . طيب لوهم عندهم الوطن اهم من التنظيم قبلوا ليه انو زولة مدنية سااااااي تحقق معاهم وكمان يمضوا ليها علي الإفادت ؟ يعني لو مشي ليهم اي صحفي تاني أو عضو من حزب تاني كان عملوا نفس الشئ ؟
كسرة : أهلنا عندهم مثل مُعّبر بيقول (ما تشكر لي الراكوبه في الخريف ، المطرة تقيف وهي لسه بتنقط) .
⚡️ محاولة بائسة لتلميع الكيزان لن تمر علي فطنة المتابع الفطن .
كسره اخيرة : زي ما كان أستاذ العربي بيعمل لما تكتب موضوع إنشاء كعب : أعِد.

#الوعي