اقتباس:
المشاركة الأصلية كتبت بواسطة بابكر مخير
حكاية الجيوب الانفية، ملازماني ظنيتها من يومي الإتولدتا. كان في طبيب يوغسلافي وظنيتني إسمهو بانيك ولا شيء كدآ وهو من الاطباء اليوغسلاف الكانوا في السودان ضمن الإتفاقيات بين سودان ناس عبود ويوغسلافيا تيتو حينها. قال يعمل ليا عملية جراحية، لكن الوالد وقف دُّت ونسب الامر للحساسية وفعلن لو لاحظت شروفي، كتيرين بيعملوا عملية شفط وترجع تاني الجيوب تتملي.
أنا دآك من يومها لمن تتعبني بستعمل الاوترفين، أتذكر أنه شقيقتي الصغيرة (طبعن حسي ما شاء الله حبوبة) لمن برضها الجيوب تتمكن منها، بقوم أديها تنقط، فالوالدة عليها الرحمة تقول ليها: شوفتي يا شاطرة بعلمك السطلي بتاعهو دآ..
يا زول أنا حسي بستعمل رشاش إسمهو Sinex ومرات حبوب الحساسية. دآ بيديك فجة كويسة لمدة ساعات.. دمتا وربنا يحفظك
|
عمنا بابكر مخير
أشكرك على الوصفات المفصلة، وربنا يديك العافية يا رب....
الجيوب مليانة "نزوح" أقسم ليك معاي 🤣🤣