اقتباس:
المشاركة الأصلية كتبت بواسطة أسعد
حبيبنا يا منعم
نحن مقبلين على نظام عالمي جديد عن ما اعتدنا عليه
حيث انتهى الصراع القديم بين الديمقراطية والملكية
او كما اسميته قديما بصراع الشعبوية ضد النخبوية
النخبويين هم من كانوا يحكمون بسلطة نخبوية منفردة خاصة بهم منذ فجر التاريخ
الشعبويين ديل ناس وهم ظهروا منذ القرن الخامس عشر مع معاهدة وستافاليا ومن ديك عيييك بقوا يغشوا في الناس بي وهم الديموقراطية المعووج.
اها اسي ده كلو انتهى والصراع القديم ح يسلمنا تسليم اهالي للصراع الجديد بين الإمبراطوريات التقنية ضد الاناركية، والحاجتين ديل أحلاهم مُرّ.
فانضمامك للإمبراطورية التقنية تعني تسليمك عدة إرادتك وتكون مركب شريحة وتعيش حياة (الليمبو التقني) في الواقع الافتراضي.
او انك تنضم للأناركية وديل ح يكون في قيادتهم الحركات المش كويسة (نسونة وخولنة) حيث ان اوائل من يتمردوا على الخضوع للإمبراطوريات التكنولوجيا ح يكونوا الجماعات الموهمة بوهم حرية الارادة وانهم عاوزين يحققوا حلمهم القديم في عيش حياتهم احرار وهم الحركات التي ظهرت من نوع النسوية والخولنة والمتحولين جنسيا ونوعيا!
اما بالنسبة لسؤلك عن مآلات السودان
فلو مدت بنا الاجال وعشنا خمسة سنين قادمة
ساعتها سنتبادل النوستالجيا ونقول يا حليل زمن الحرب الأهلية الجميل.
لانو ساعتها ح تكون مثلا سكان اهل واوسي بقوا شات جي بيتيين وسكان الخرطوم بقوا ديبسيكيين Deepseek
وسكان شلعوها الخوالدة ميتاووين Meta
ونعيش في عنصرية وجهوية متعفنة حيث يجوا الشات جيبيتيين ويقولوا نحن أصل العالم، ويردوا عليهم امبراطورية Deepseek ويقولوا نحن سنة 2025 رشيناكم سبعة صفر
ويجوا ناس امبراطورية Meta ويقولوا نحن الحمدلله السيستم عندنا مفتوح المصدر وعندنا شوية حرية ارادة مش زيكم يا عبيد.
ويا حليل زمن الحرب الاهلية الجميلة وزمن البلبسة وقحت والكوزنة وتقدم الجميل.
|
لا حولاااا بالنسبة لي مآلات السودان
خمس سنين بس
دي فترة بسيطة شديد
معقولة الشرخ دا يتسع خلال هذه الفترة لهذا الحد!!
أميل لقبول تحليلك... وتوقعاتك،
لأنو انا ككاره الجنجويد شديد.كنت اعتقد ان الجيش سيهزمهم في ظرف شهرين تلاتة
وكتبت الكلام دا هنا اول الحرب في بوست لك
قلت لي وبييين ياااا
الحرب دي عاوزة تلاتة أربعة سنين
فيها امارات واخرين
المهم صدق تحليلك وفشلت تنبوآتي
الآن أميل لتصديق قراءاتك لما يحدث خلال الخمسة اعوام القادمة..
هسه عاوز بالاقساط عربية خلال ٥ سنوات اقسط ولا ما اقسط؟
المهم
نقول يا حليل السودان والعالم..
ويا حليلنا فيها الدنيا دي..