*بي📝 الحنين ،،، ،،،*
*د. علي الشيخ ،،،، ،،، ،،،*
*ملاح القرع،،، و الكسره البايته،،،*
*الأحباب في المهجر،،، و القابضين على الجمر في الوطن الجريح😭 السودان🇸🇩*
بما يخص *حب القرع*،،،
أو *اليقطين*،،،
القرع،،، أو اليقطين،،، ورد ذكره طعاما للنبي يونس عليه السلام،،،
فضلا عن كونه طعاما يحبه *نبينا محمد صل الله عليه وسلم،،،*
والأنبياء،،، نجد في طعامهم تناولهم للقرع *اليقطين* لسر عميق ،،، يعلمونه،،، وهنا استحضر الآيه،،،
*{وَمَا أُوتِيتُمْ مِنْ الْعِلْمِ إِلاَّ قَلِيلاً} الآيه ٨٥ (سورة الإسراء)*،،، فمهما تطور العلم،،، والعلماء،،، سيبقى علمهم محدودًا وقليلاً،،، وهذا ما أكده القرآن الكريم،،،
وفي الفتره الاخيره كثر الحديث عن تناول *القرع،،،* كعلاج لإلتهابات ،،، وتضخم غدة البروستات،،،
الحمد لله،،، من تجربتي البسيطه،،، المتواضعه،،، *قرابة عقدين من الزمان*
في مجال جراحة الكلى والمسالك البوليه و المناظير ،،،
عملت على نصح المرضى والأهل،،، والأقارب،،، و الأصحاب،،، والاصدقاء منهم بالعلن،،، *جهرا،،،😜* و آخرون بالدس،،، *سرا🤫،،،* بتناول حب القرع،،، و اليافه ،،،
*بالطريقة التاليه،،،*
من الأفضل الحصول على قرعه كامله،،، وتشقها بالسكين في البيت،،، كده بتضمن إنها معقمه،،، ونظيفه،،، أفضل من الموجود مقطع جاهز ومشرور في السوق،،،
يتم نقع ،،، *الحب مع الألياف* ،،، يعني خرت القرعه،،، *بتعرفوا الخرت*،،، بعد تخرت الحبوب و الألياف تقوم تلز القرعه للمرأة،،، تعملها ليك *ملاح قرع،،،* ماتغشك أهم،،، حاجه *الكسره ،،، ويا حالاتها لو كانت بايته😋،،،*
وأنت يا حريف،،، تقوم *تبل* الحبوب والالياف،،، في مويه،،، مش زي *البل* الحايم الأيام دي،،، ربنا يحفظ السودان وأهله ،،، ويرجعنا كرام معززين،،، نبل شوقنا،،، ونتسالم ،،،
المهم تنقع الحبوب،،، َوتبلهم،،، مع الألياف،،، في جك مويه،،، والصباح على الريق تشرب كبايه،، واحده بس،،، *على الريق،،، يوميا ،،،* وبعد المويه تمسخ،،، تقوم تكشحها،،، وتدفق حب القرع والجذور،،، وتعاود القصه من تاني،،،
لافي آثار جانبية،،، لا في بديل،،، قرع وكلنا بنعرفه،،،
حقيقه النتائج مذهله،،، عن تجربة ومتابعه،،، ومشجعه،،، و مطمنه ،،، جدآ ،،،
وده مايمنع المتابعه ،،، *يعني ماتقعوا ناس الخضار،،، وتفطوا الشطار،،،* كل ٣ شهور شخصيا،،، على إستعداد تام،،، وبكل سرور نخدمكم،،، بالمتابعه في أي مكان،،، و أي زمان،،،
*وانتوا مننا،،، ونحن فيكم*
*شلنا شلنا الريده،،، يا أحباب*
*يباس أيامنا،،، شلنا خضار*
القرع لونه أصفر،،، وفاقع،،،
بس شكله بكره القرع حايغلي،،، وبعد بكره حايختفي،،، من السوق ويبقى *القرع الأسود*🥺
لكم الشكر،،، والتقدير،،، والإحترام ،،،
*امتى أرجع لي امدر*
😭😭😭
*د. علي الشيخ*
*الحنين*
*أول نوفمبر ٢٠٢٣*
*استشاري جراحة الكلى والمسالك البوليه و المناظير*
|