[قمر دورين]

(دو)

(دو)ري بينا يا ليالي....لي الملامح البتبقى حقيقة والخيال البيعزف نغم.

(دو)زنتّ ليك الكلام مرة شلتو ومرة شالني...جمعتو وجمعني...وكمان كتبتو وكتبني.

(ري)

(ري)شة لَمَحَتِك....اتكحّلت من سواد عينيك....سكة طويلة ابتدت بي رسمك وكان عنوانها خليني أقول .....اسمك.

(ري)اح اتعطّرت بي صندلك...تِقلت من ضفايرك....اتمددت عشق ..وصبّت من جوفها نيل.

(مي)

أمّا ( مي )....يااااه...فكتيرة خلاص..

مين هي؟ ومين هو؟ ومين هم؟
مين متذكرك ومين ناسيك؟
مين بيشبهك مين ؟
مين فكّرك يا حبيب ومينا الهداك اليّ؟

(فا)

(فا)كرينّهم وما ناسينّهم ...حافظينّهم في مدارات الفرح ....شلناهم في عيونّا معزّة وفي قلوبنا ريدة.

( فا)ت شوقنا الشوق...اتحكرت جوه الجوف... ضميتك مع أوتار غناي...ولسه حاقول فيك الكلام الما انكتب .


برضو (فا)...

(فا)صل ونواصل ....
وجاينّكم لي باقي الموضوع