الاسايط تانى جيناكم
بعد ساعات عمل مااكتملت ( طلعنا بدرى شوية) تحركنا صوب الحصاحيصا وكان اليوم خميس وكل ناس الجزيرة فارين من الخرطوم .. تحركت شخصى .. عمر ازرق ود الغالى , جاويش (تربية), تماضر وهدى الامين وزوجها ..
ومشينا وبعد ماتجاوزنا تفتيش سوبا.. قلنا نريح فى كافتريا جياد ( الجديد الثورة) ؟ ولا نتجاوزها مرورا بالمسعودية والنوبة ونقيف فى المسيد...
الجماعة قالو ياخى نتحرك ونكسب الزمن ... تحركنا وتجاوزنا التى والتكينه والتكلة ابشر وووو
حتى طبينا فى الكاملين ياجماعة نقيف نريح شوية والشباب ( اقصد جاويش وعصام الغالى) قالو نواصل .. عموما لمن جينا داخلين بى تحت الكبرى ( بتاع رفاعة) اصلو خلاص بقا طشاطيب
وصلنا الحصاحيصا مع المغيرب .. سايقين على مهلنا..
وانشاء الله نواصل ونحكى ليكم عن العرس والونسة الكانت فى الدرب والفتة التعشينا بيها ونحنا راجعين
ودعتكم الله
|