[jezabell]

المشاركة الأصلية كتبت بواسطة شبارقة

[align=justify]هناك أحكام شرعية منصوص عليها في القرآن الكريم وهناك أحكام جاءت بها السنة المحمدية وهناك قوانين وضعية تحكم المجتمع:[/align]

هوووي يا شبارقة.. ما تمشي تقوقل لي كلام السلفيين وتجيبو لي.. احنا عاوزين نتفاهم بعقولنا الربنا ادانا ليها.. السنة المحمدية ما فيها خلاف.. لكن كمان كلمة حدود دي ربنا جمعها في ايات ورا بعض كدا بي عقوباتها وفي الاخر قال لينا "تلك حدود الله فلا تقربوها".. يعني الحد بتاع الجلد دا ربنا ذكروا في القران للزاني والزانية يبقى معقول يغفل عن ذكره لشارب الخمر؟؟ نفس الحاجة دي بالنسبة لحد الزنا للمحصن والمحصنة اللي هو الرجم.. دا مهما ذكروا لي من احاديث انا عن نفسي مستحيل اعترف بيهو لانو ربنا سبحانه وتعالى ما غفل عن ذكر حدود قطيع الايدين والجلد.. فمن باب اولى انو يذكر حد فيهو ازهاق للروح وبطريقة بشعة كمان زي حد الرجم!!!! خصوصا وانو القتل دا اقصى درجات العقوبة الانسانية.. ولم يذكر الا في النفس بالنفس وللذين يسعون في الارض فسادا..