الأعزاء ..عاصم عبد الرحمن وزاهر الطيب ..
التحايا لكم ..ولجميع الاسايطة ..
والله يا زاهر حليلك وحليل أيامك ..بتذكر في يوم من أول ايامات ما جينا اسيوط .. جيناك أنا والحاج أحمد عمر .. أفتكر كنا لسه في فندق النهر .. وأحباط شديد بعد ما شفنا القاهرة وجينا شوفنا اسيوط .. كنت اليوم داك بتكتب جواب لصاحبك في السودان وبدل ما توصف ليه في اسيوط ابتديت توصف ليه في القاهرة ..
بالمناسبة الحكاية ما هزار ..بالجد .. مكي ده غني في الحفلة دية .. بس ما متاكد انو كان في حضور ولا لا .. ولا يمكن الحضور كانوا خواجات بس ..
|