[تحفة حوا]

المشاركة الأصلية كتبت بواسطة أبو أماني

والله فعلا يا تحفة .. المرأة مش نقشت الباص ويرد .. الحصل أكبر من كده .. بس لكين أسع
الحق بي وين؟ ما خلااااس .. القصة جاطت أمبارح كنت مساهر مع اللابتوب .. وهي راقده جمبي .. أتاريها عاملة فوقها نائمة ولا شنو؟ .. المهم أنا بعد رديت على سارة المرة الأولي الفوق ديك .. الظاهر على نمت..وخليت اللاب شغال..وزولتك يظهر قامت لقت البوستر فاتح وقامت كتبت الكلام الخارم بارم الفوق ده .. طبعا عاوزة تطفشكن مني وقالت إني شين .. بت الحنوت يا أم أماني .. أكان ما وريتك !! إنتي يا تحفة المفراكة الكهربائية الجبتيها ليها ..تكون ختتها وين يا ربي؟ .. عليكم الله يا أخواني شوفوا مغصة المرأة دي .. يعني حاسداني في كمية المعجبات المتحوقلات حواليني .. وتلقيها أسع نار أم قشاقش مطلوقة فوقها ..لكين قاطعاهو في السوداء..أصبري يا أم أماني.. وكمان جايبة لي جك حلومر ؟! حلاة ليقليق .. عشان بشربوا ليك .. عايزاني الحق صاحبي عادل عسوم .. البقي كان ما جاهو الإذن ما بنوم !!! بري يمه من جنس ده .. يطرشنا ما سمعنا بيو .. سمعنا وسلمنا .. تحفة .. تحفة .. خلينا في المهم .. هديتي لأم أماني مفراكة كهربائية في عيد ميلادها الستين .. أنا ميلادي يوم 10/6 الجاي .. وهو يوافق الكم وأربعين كده .. أها بتهدي لي شنو؟؟؟؟؟؟؟؟؟؟؟؟

والله يا أبو أماني أم أماني ليها حق تغير عليك عشان ظرافتك دي
والله ياريتني لو نازلة السودان عشان هديتك تصلك لحدي عندك بس معليش الهدية المعنوية عبر النت ان شاء الله
يا بنات كلكن القائد آمال وسرورة وروبس انتي بالذات ونور وياسمين وال ما دخلن بي جاي
كلكن لازم نحتفل بي عيد ميلاد زين العابدين ( مش كدا بناديك فيصل سعد )
طبعا الاسم المجرد لزوم التصغير
عيد ميلادو العشرين أصلو لسة في عمر الزهور والهنا
أها عليكن الله كان ما روقتن المنقا وكسرتن التلج لي أبو أماني بالجد وبي نية صافية ومن غير حركات
وكل سنة وانت طيب مقدما