[مرافي]

[]الريق الحلو ،،، يعني الكلام المعسل الكلام الحلويعني نحنا السودانيين كلامنا كده جاف وخشن ما بنحاول نعمل تحلية لمفرداتنا اذا قارنا كلامنا مع باقي الاجناس الاخرى،،، مثلا" في التعامل بين الزوج والزوجة،،، زمان حبوباتنا الواحدة مابتقول اسم زوجها في واحدة قالوا ابت تتم الشهادة عشان اسم راجلها محمد تيمنا بالرسول (ص) ده هنا ماجفاف لكن احترام ،،،،
إذا جينا للتعامل بين الزوج والزوجة الراجل لما يسأل عن زوجته في حضور الآخرين وخاصة لو كان بين اهله بيقول (دي وينها!!) ( والمرأة تقول ده وينو )
و يعني الكلام نجيْ نشوف الجنسيات الآخرى السورية مثلا" تقول لزوجها ( يابنى عمي ) اذا شرب شىء
( صحتين وهنا) (تقبرني يابني عمي)
ونشوف المصريةــ اذا ناداها زوجها ترد عليهو( ايوه ياجوزي ياتاج راسيي) والياء فيها جره طويلــــه ( ايوه ياابوعيالي ـ ايوه يانني عيني)
اما السودانية فترد بي نهره وزهج ( مالك في شنو،،؟ )
يعني جفاف في الألفاظ واصل منتهاه ،،كلمة تانية بنستعملها كثير جداالــــزفت يعني لعيالنا ما بنقول يابابا تعال ،،ولا ياماما أومري إدللي ،،، اذا نادينا الولد وما جاء نقول (ياولد يازفت،، وين إنت،،،، قاعد في،، إضنيك )
وإذا بحث الزوج عن شيء خاصته وما لقاهو يبدأ بالصراخ (الزفت ده كان هنا الشالو منو ؟؟ )
زمان حبوباتنا كان كلامهم حلو ،ياعشاي ،،، ياجناي ،،، ياجنا حشاي،، اما اليوم فنادرا" مانسمعه هذا الكلام !!!
]لماذا لاينادي الزوج زوجته ياحبيبتي ،، ياروحي ،،، ولا ياأم عيالي ،،،
ولماذالاتنادي الزوجة زوجها ياحبيب قساي يانور عيوني،،ولا ياتاج راسي،،،،
حقيقة نحنا في حاجة لتجميل مفرداتنا وإضافة قليل من السكر لالفاظ التعامل بيننا
مثلا" لو سمحت،،، حاضر ياسيدي،،، زي اخوانا المصريين نحنا في فهمنا ده نفاق وتملق !1وليه نفاق ليه مايكون صادق ونابع من القلـــب

ادعو جميع الازواج والزوجات باختيار الكلمات الحنيــــــنة البتكسر الضلوع ديك عند مناداة بعضهم.
ونحضرني طرفة اسردها في الختام عليكم ،،،،،
حكى ان احدى الزوجات السودانيات انتسبت لدورة في فن الآتيكيت في التعامل مع الزوج ،وفي أول درس كان عن كيف تنادي المرأه زوجها،، واوصت المحاضرة انه عند مناداتك لزوجك لازم تضيفي كلمة تدخل السرور على قلبه،،، مثل ياروحي،، ياحبيبي ،،، يانور عيوني،،، .
عندما رجعت للبيت اصرت على تطبيق ماتعلمنه وعندما عاد زوجها سألته :ـ
ا (عارفاك جاي جيعان ياروحي احضر ليك الغداء ياحبيـــــبي ،،؟؟؟ )
رمقها بنظرة نارية ورد عليها بحزم :ـ ( ماتبطلي العـــــــواره ،،دي ،،؟) [align=center]يتبــــــــع.....[/align]