[لنا جعفر]

رأفت الهجّان
صباحك وطن يااصيل وجميل
كيف احوالك ؟
وانشاء الله كل الاعياد مباركة

تعرفى يا لنا الكورة خلف الأكمة تجارة .. بيع وشراء .. وكل قذارة "البزنس" فى العالم كله .. ولكن موضة التسييس من صنع العالم الثالث .. بالأخص أفريقيا .. هى صرف نظر الجماهير عن هفوات الحكومات

الزبدة دي بتشبه وعيك يارأفت وفي تقدير العبد الفقير لرحمة مولاه ...انت مصيب حدق الحقيقة بدقة ........ لكن في أضافة أثيرة لي انا في حتات الحكومات الافريقية دي
أفريقيا يارأفت قارة تعاني للآن من الاستعمار وهذه التي تدير شئون البلاد والعباد ليست حكومات بل هي انتداب ....وهي تمارس دور المستعمر بالوكالة
الاستعمار يبدو انه لن يفرغ من افريقيا قريبا
وتغييب صوت وارادة المواطن الافريقي دور كلفت به تلك الادارات الاهلية والعشائرية والديكتاتورية
عموما نحن لسنا بمنأى عن مذابح هوتو كروية بقيادة الاخوة الهلالاب (وعدت عابد عقيد انه أقول الهلالاب الا عابد عقيد ولقمان أخوي)
المهم الهلالاب زي كلام منال انهزمو مشكلة ...انتصرو مشكلة وهم مزعجين وطالما الازعاج سبب من اسباب تلوث البيئة فالامر مرفوع لجمعيات حماية البيئة والقرين بيس
ده موش اسمو نويز بوليوشون ؟؟؟؟؟ غايتو ياناس البيئة تعالو للبيئة
هي بيئة دي يعني شنو بالمصري الحديث يارأفت؟؟؟؟
غايتو انت بتاع شبك

ما لا أنساه ويحزننى حتى الآن .. نحن فى مقابر فاروق ندفن دكتور على فضل .. والجماهير تجرى حولنا وتهتف بالنصر متجهين للمطار فى إستقبال المريخ .. قادماً بكأس "سيكافا" .. هذا الكأس الذى يتنبر به المريخاب "المحمول جواً" .. وصمة عار فى جبيننا الى الأبد ..

هنا أنت ذبحتني يارجل......
يالذاكرتك الخضراء يااشرف ....يالها

أما الهلالاب فى النصر .. مظاهرات ويحطمون الممتلكات ويوقفون السير "وبلبة" حتى الفجر .. وفى الهزيمة نفس المظاهرات نحو ناديهم يحطمونه "ويدقوا" المدرب ويتحرشون بالإدارة ..

عارف ليه يارأفت هم بيعملو كده لكن؟؟؟؟
لانهم ماصفوة ياخ
سلوك الصفوة راقي ومهذب
ودي من المشاهدات الحانختم بيها البوست ده
عنف الجماهير والمشجعين السودانيين...والهلالاب الاعابد عقيد ولقمان أخوي نموزجن

أذكر فى فترة تشبه الوضع الحالى الى حد ما .. تأهل أيضاً الهلال والمريخ لتمثيل السودان .. كانت المباراة النهائية أربعة فرق فى "حفلة" واحدة .. المبارة الأولى بين الهلال وفريق ضيف على المركز الثالث والرابع .. والختامية بين المريخ وضيف على المركز الأول والثانى ..
إصطف المريخاب فى المباراة بمسؤلية تامة فى تشجيع الهلال بالهتاف والتصفيق الملتهب .. فإنبرى فيهم خطيب ينهيهم عن ذلك ويذكرهم بأن هؤلاء ليس لهم أمان .. تم ذجره وإسكاته وأمره بالتحلى بالوطنية .. وخرج الهلال منتصراً ..
فى المبارة الثانية إشتعل الهلال مشجعاً للفريق الضيف .. فقام نفس الخطيب صائحاً .. ما قلت ليكم ديل خونة .. وإمتدت الأزمة تشابك بالأيدى فى طرف المصطبتين .. وخرج المريخ مهزوما" .. وإحتفل الهلالاب حتى الصباح .. دى أمة يرفعوا ليها علم زى ما بتقول ساره .

والله يارأفت لما الهلال يكون لاعب مباريات دولية بيكون حسي الوطني عالي جدا لكن اكتشفت مدى احقاد القبيلة الزرقاء انا برضوفي كم مناسبة غير سعيدة لي كمريخابية .
والشر بره وبعيد يعني لو لعبو في كاس العالم مع مصر (اللاشقيقة)انا حااشجع مصر
تماما
يارأفت سعيدة جدا بطلتك علي ودوما اسعد بوجودك الجميل
كده تابع معانا بس عشان اوريهم الفوضى الأباها عابد وطارق ديل بالثااااااااابتة
تسلم يارأفت وينعاد عليك بتحقيق امنياتك كللللللللللللللللها
وماتحرمنا الطلة .....لاننا محتاجين مشجعين راقيين زيك ياود المسالمة الناضح محنة وحنين
مودتي التي تعرف
لنا