[ناصر يوسف]

[align=right]مي هاشم


يا أختاً صديقة و ..

حبيبة






إتنين بيحبوا بعض أو

{ بيستلطفوا بعض ــ مُعجبين ببعض}


ما بيهم كتير عندي

بس المهم إنهم عاوزين بعضهم إتلاقوا حددوا مواعيد زواجهم جهزوا كل حاجه وإتناقشوا في كُل حاجه


ونسوا أهمّ حاجه ..


بإنهم في الأصل مختلفين

لأنو بيئاتهم الإتنين مختلفات عن بعضهم ..




عندي مثال سااااااااازج قاعد أقولو للناس:






تخيلوا بإنو الزوج في بيت أمو وأبوهو و من ما قام ووعي للدنيا دي

لقي ناس بيتهم كللللللهم

أبوهو وأمو وأخوانو وأخواتو الأكبر منو

من دقش الرحمن بيتسوكوا وبيصبحوا علي بعضهم في آن واحد و ..


آآخ تُف

مربوطه معاها جملة صباح الخير


فأصبح ده ديدنو ..





زوجتو



علي النقيض تماماً


إتربت في كنف أُسره عندها السواك أمام الآخرين عيب كبير و عدم تحضُر


يعني لون فرشة أسنانك زاتو ما المفروض في حد يكون عارفو شنو

فما بالك إنك تستاك أمامو




قاموا بعد الزواج وفي أول صبحية ليهم والدنيا صباح

لابد من إنهم يدخلوا الحمام ويتسوكوا ولا شنو ؟؟؟


أهااااااا



قام أخونا فتش عن فشرة أسنانه وملاها ليك داك يا المعجون الما خمج وهااااااك يا سواكه قدام البنية مرتو المسكينة


دي أول صَدمه ليها في حبيب القسا ..



طيب كيفية التعامل مع المسألة دي كيف ؟؟؟


تقوم البنية علي طوووول تتقزز منو

{ ده شنو القرف ده يا فلان ...}


يقوم فلان يزعل وتبدأ الحكاية ..


إختلافات في الكثير من الأشياء



لكن في هذه الشراكة طويلة الأمد لابد من الحكمة

ويبقي الوُد وتبقي المَوّدة والرحمة القالهم ربنا رب العزّة في محكم التنزيل في القرآن الكريم




ولا شنو ؟؟



معليش دوشتك بخطرفتي دي وهي عبارة عن مجرد مثال لبحر كبييييييير جداً من أسرار الحياة الزوجية




أولادك كيف وبعلك العزيز حبيب القلب



تحاياي ليهم



وحباب عودتك عبر سوادانيات


وعودتك للسودان كمان [/align]