[حمدي اب جقادو]

المشاركة الأصلية كتبت بواسطة Nabeil Abdelrahim

حتى أن ديسكو فى شارع الهرم تعمل فيه سودانيات بمهنة البغاء الدعاره .

الحبيب نبيل عبد الرحمن
اسعد الله هذا الصباح الجميل ياحبوب

موضوعك جميل (ولمس الجرح النازف) .. حقيقة موضوع السودانيات في القاهره صار من المخجلات الكبري لنا كشعب سوداني ...

وبهذه المناسبه حدثت لنا طرفه قبل سنتين او ثلاثه سنوات في نفس المكان الذي تحدثت عنه في الاقتباس اعلاه ..

كنا قادمين من المملكه العربيه السعوديه انا وصديق عزيز اسمه سمير عبد الرحيم في رحلة عمل ونزلنا في مدينة الغردقه علي شاطي البحر الاحمر وقضينا ماموريتنا علي اكمل وجه وبعد رفع التقرير الشمار حرقنا (وقلنا كده النمشي نشوف القاهره دي فيها شنو) شمشره ليس الا .... المهم وصلنا الي قاهرة المعز في تمام السادسه مساء يوم خميس (كااااااارب) ..وصلنا الي فندق شهرذاد ..وفي حوالي الحادية عشر مساء قلنا نمشي نشوف البلد حاصل فيها شنو ..وعند باب الفندق كان ينتظرنا احد ابنا النوبه (الجدعان) فهو سائق تكسي يدعي (خالد) ... سالنا (ايه رايحين فين يابنا العم) رد عليه سمير الشليق ... ياخي والله دايرين اي حته يكون فيها سودانين ...رد : بكل سرور اطلع ياعم وجري علي شارع الهرم وبعد مسير حوالي ال20 دقيقه توقفت المركبه عند باب احدي المطاعم .. واذا بي امام ديسكو افريكانا الذي سمعت عنه كثيرا حد الملل .. عند البوابه الرئيسه لبدروم الديسكو كان يقف هنالك احد مصارعي الWWF .. قال بصوت (رعدي) 40 جنيه ياعم .. قلنا ماشي وكل واحد فينا سلخ 40 جنيه ودخلنا وياريت لو مادخلنا ..

سودانيات عاريات كاسيات (لابسات من غير لبس) سودانيين سكرانين لط .. جنوبيات من جنوبنا الحبيب غرقانين في العسل مع الخليجيين ..عموما شي لايتصوره عقل اي سوداني

وبجيك تاني عشان اتم ليك الباقي واوريك الحصل شنو

حمدي