[فتحي مسعد حنفي]

المشاركة الأصلية كتبت بواسطة اشتر

ناس ستينات القرن ديل موش مفروض يكونو مولودين على الأقل سنة اربعين ولى تحت ؟
والعمرو خمسين سنة مولود سنة تسعة وخمسين ... بالتوقيت الجديد
يعني ما بكون جايب خبر لستينات القرن لأنو لسع شافع ...او تكون اعماركم من سبعين سنة وانتو ماشين على خرف ... بالعملة القديمة
وما أعتقد الأعمار دي عندها علاقة بالكيبورد !!!
ديل ناس عناقريب ساااااي ...
بس لافتة ممنوع لأقل من خمسين سنة ما حلوة ...
لأننا جيل مفروض ياخد الراية منكم ... ما كاساتكم !!! كتواصل أجيال وكدا !!!
غايتو أبوي قال لي ما تقعد مع الأصغر منك .. فقلت له سمعا وطاعة ...
وجدي قال لي احترم من رأى الشمس قبلك ... وقلت له سمعا وطاعة ...
ولا طاعة لمخلوق في معصية الخالق ...
بدل تخلونا نستفيد منكم تقولو لينا ممنوع !!!
سمعاً وطاعة !!!

أزرق: أخيرا لقيت لي فيك عيب..بليد في الحساب..

أحمر: أولاد زمان كانو بيتولدو بي سنونم..

أخضر: الحمدلله فاضل لي كذا سنة لسة للعنقريب

بني: أبوك راجل عاقل وفاهمك كويس ..كان خايف علي الصغار من شتارتك..

الباقي: الباقي متفق معاك عليه وباصم بالحداشر..العشرة صبعين كرعيني والحداشر سبابة اليد ..عارف مخك حيجري لي وين..