[mamkouna]

فقط لتصيبنى الصدمة بأننى لا أشكل لموظف المطار و عامليه حين تطأ قدماى ارض الوطن الا حفنة الدولارات التى أحملها -و التى أدخرتها من عرقى و شقاى.-

العزيزة ندى عبد المنعم...
ليس دفاعاً عن موظفي المطار و عامليه...لكن ألا تتفقي معي في أن التكشيرة و التجهم و المكابرة سمة من سمات سودانيي الداخل و الخارج؟
إلا تتفقي معي بأننا لا ندري how to sell ourselves... بمعناها التقني و المهني ؟؟؟؟
هل تعلمي يا ندى أن أطباء و مهندسين و كثيرين/ات من حملة الشهادات العالية ما بيعرفوا يكتبوا ال CV .. بتاعتهم؟؟؟
هل تعلمي يا ندى إنو الواحد/ة فيهم/ن بيمشي ال interview … و هو مبهدل و شعرو منكوش و يقعد بطريقة فيها الكثير من اللامبالاة و يعاين لمديرو من فوق ل تحت كأنو هو المدير مش صاحب الوظيفة؟؟
هل تعلمي يا ندى إننا بنمشي البقالات أو الدكاكين أو الإجزخانات و بنطلب ما نود شراؤه كأننا شحادين..لأنو صاحب الدكان أو البقالة أو الإجزخانة بيتعامل معاك بمنتهى الزهج و القرف...
أما في المصالح الحكومية فحدث و لا حرج...شوية و يقوموا يضربوك بالبونية....
نحن – كلنا - محتاجين دروس خصوصية في اللباقة و الكياسة و ال self-awareness .
محتاجين دروس في أدب الحوار..و أدب النقاش...و أدب التعامل بكياسة و دبلوماسية...
مشكلتنا إنو الأنفة و الكبرياء و ال self-esteem ..بتاعنا عالي طوالي و بتعتبر خدمة الغير نوع من الحقارة...

صدقيني يا ندى و يا حنينة...موظفة الإستقبال أو الجمارك ما قصدت تأخرك يا ندى أو تتجهم في وشك يا حنينة...ما قصدتكم إنتو ناس ( الخارج ) و ما إفتكر دولاراتكم أو إسترلينيكم ح تفيدها في حاجة...موظفة الإستقبال مصابة بحالة المكابرة المصاب بيها كل سوداني من الشمال أو الجنوب أو الغرب أو الشرق...ما عدا قلة قليلة..(( عشان الناس ما تجوط فيني )).
و كلنا في الهم...شرق...

جيبي بناتك و أولادك يا ندى و تجاوزوا لحظات القدوم لما هو أروع و أصدق و أعمق لمن تلاقوا أهلكم و أحبابكم...و صدقيني أولادك ما ح يرضوا يرجعوا ( الخارج ) و ح يقولوا ليك عليك الله...خلينا في ( الداخل )..
و...
زي ما قلت ليك...
على ضمانتي..