[كيشو]

المشاركة الأصلية كتبت بواسطة شبارقة

[align=justify]لكن بالغت يا الجيلي ... كيشو بيجتهد وبينحت الذاكرة وبجيب 80 % لكن صاحبنا ود الكاشف لا يستطيع المنافسة في هكذا إختبارات للذاكرة ... والغريبة إنو معظم الصور دي بتاعت ناس زراعة [/align]

[align=justify]تعرف يا عاصم أنا ما كنت قايل نفسي بعرف العدد الكبير دا من الأسايطة وخاصة من غير ناس حقوق، ويمكن السبب إني ما سكنت مع أي حقوقي باستثناء قمر وهو ما محسوب حقوقي بقدر ما هو من القضارف
لكن الظاهر إنو شقتنا الكان زوارا (400) كما قال الجيلي هي السبب، وكمان متابعتي للسياسة والسياسيين مكنتني من معرفة المشاهير والمشاهير الذين يعاكسون المشاهير
أذكر مرة أخونا المجنون "قمر" أطلق إشاعة قوية وهو في البداية لم يكن يقصد الإشاعة ولكن الظروف جابتا كدا: قمر قابل أحد الإخوة في الشارع فسأله الراجل بعد السلام عن ناس الشقة والأخبار ويبدو أن صاحبنا كتّر السؤال عن الأحوال فجات في راس قمر إنو يقول ليهو والله الجماعة كويسين لكين طارق شبو أبوهو مات، الراجل قال ليهو: أها كلمتوهو، قمر رد عليهو بأن طارق عارف فقام الراجل باللازم وأبلغ ناس الإتحاد وبدأت المشارات لتجهيز تذاكر السفر والحاجات ديك، واستقبلت الشقة جموع المعزيين واكتشف الناس أن والد طارق شبو توفي حقاً إلى رحمة الله ولكن قبل سنوات طويلة (طبعاً ناسنا في الشقة وخاصة رمزي وعبد المنعم قاموا بتصوير الحدث ورصد ردود الأفعال، وكانت فرصة لمضايقة طارق شبو خاصة بمن بكت من البنات)
أما الوفاة الحقيقية فكانت وفاة والد الأخ عبد المنعم إبراهيم الضو التي حدثت بعد شائعة قمر وسأحكي لكم كيف تعامل معها الناس في البداية[/align]