[همس الشوق]

المشاركة الأصلية كتبت بواسطة فتحي مسعد حنفي

باللاي شوفوني طلعت عوير..وأول حاجة أنا بسبب الغيبة القسرية البوست دا ما دخلتو عشان القرض أنا ما بحبو ومتعاطف مع كريت..لغاية ما نبراس وجهت لي دعوة الليلة أجي أشوف الحاصل شنو في سوق القرض دا..وعينكم ما تشوف الا النور..دخلت البوست ولقيت روحي نايم علي وداني زي ما بقولو المصريين..مرتي جنها قرض وأنا ما جايب خبر تشيل وتجيب فيهو ولامن أسألا مرة تقول لي دا للبخور ومرة تقول لي دا فيهو اسم الجلالة وأنا العوير لحقت أبو أماني وما جايب خبر انو المدام واقعة فيهو لواكة وأنا أقول ياربي المرا دي مالا سنونا مغبشة كدا وأتاريهو دا من لوك القرض..
الساعة أربعة ونص صباحا وأنا قايم أكب القرض الفي البيت كلو وهي كان مرا تفتح خشما وكان ما عاجبا خليها تمشي تطالب بالخلع..قال قرض قال..وانت يارأفت تفتكر مرتي أدتك بخور للمدام ليه..فتش البخور دا ما يكون فيهو قرض

لا حولة ولا قوة الا بالله العلي العظيم

حتى إنت يا عم فتحي مرتك لاكت القرضه

حسبي الله ونعم الوكيل

عاد يا أخوني كان كدا القرضة محمداني ........ محمداني

الشكيه لاب ايدن قوية