[منال]

المشاركة الأصلية كتبت بواسطة AMAL

سلام يامنال
احزن والله جدا لمثل هذه الكتابة
فلنطعن في الفيل ياخ
الهم الجاثم دا
والاذي الذي يجب ان يزال باعجل ماتيسر
فلنرتب اولوياتنا
نزح العوير اولا بعدين نتكلم عن مواقف ياسر
التي في رايي لاتخطئها العين
شوفي موقفو من قضية لبني وسلفا كاشف
وتصريحاتو عن قانون النظام العام وعساكرو
التي الحقت به ماالحقت
منو القائد الاتصدر المسيرات ومشي في نصها
هناك شباب الان يقوممون بعمل جيد جدا في رصد التزوير
في الانتخابات وتوثيقه انظري هنا
http://www.sudaneseonline.com/cgi-bi...msg=1262079330
هذا مانتوقعه من الوطنيين امثالك واليجي عرمان او اي مرشح اخر
ياسر عرمان يريد أن يصبح رئيسا لحاجة في نفسه...
فهذه الحاجة مهما كانت فهي ليست كحاجة البشير
التي اشبعت البلاد قتلا وتدميرا وخرابا وافقارا للشعب
فلنري اين هو الصف الصحيح لنقف به
او لنري اين يقف هؤلاء لنقف عكسهم وفي الاتجاه المضاد تماما

لياسر عرمان صوتي

الماوقف بين بين




مودتي يامنو

ابعدى الاحزان عنك ياستى

الفيل بنعرف ضلو كمان ... و العوير يا امال ما بى ينزحزح بى انتخابات - مضروبه ده مؤسسات اقتصاديه و سياسيه و ثقافيه و علميه (طفيلى ينمو بسرعة صاروخ)

المشكلة فى ضعف قدرات ساساتنا و تفاعلهم مع القضايا وده بنطبق على كل القادة فى الساحه الان.
طيب شوفى لمواقف ياسر لانو فى موقع اتخاذ قرار و قيادى بارز فى الحركه- فى مجلس الوزراء و لمن مر قانون الانتخابات اولا ثم تكوين المفوضيه = البتباكوا الان عليها و هى غير محايدة – و السجل الانتخابى و من قبل كل هذا نتيجة التعداد السكانى وده عقدة منشار الانتخابات الحركه اعلنت عدم قبولها نتيجة الاحصاء الاخير – بس ده موقف واضح كان بطلعنا من الازمة الحاصله دى – جاءت و تراجعت مقابل شنو؟؟؟
كان بديهى ان تقسيم الدوائر الجغرافيه لكشوفات مزوره و برضو ح تقوم الانتخابات ؟؟؟
الحركه كانت فى البرلمان يوم ان اجيز القانون الجنائى وبوجود ياسر و قانون الامن وقانون الصحافه – و قانون الانتخابات الذى بعد سنه كامله اكتشفوا الثغرات و فاتتهم تنظيمات المجتمع المدنى وهى ما عندها غير الرقابه كما اشرتى فى الرابط وده مجهود جبار باكد انو الحركه و كل الاحزاب ما جابين ليهو خبر (مشغولين بالترشيحات) وين اكيد بتكون من المستحيلات
و اما قضايا المراة يا اموله هى اعمق و اكبر من مناصرة فى تظاهرة و خطب اعلاميه .
ياسر كقيادى متنازع و الى الان يا امال ما ثبت ليهو موقف واضح تجاه قضايانا
اقلها كان يصرح ويقول ده رأى اما قرار الحزب هو .... و اهو غازى سليمان بقولا واضحه رغم الخستكا

اخيرا
لا خيار غير تاجيل الانتخابات و استفتاء الجنوب