[خالد الصائغ]

المشاركة الأصلية كتبت بواسطة بابكر مخير

تعرف الحبيب
بلخصها ليك في كلمات وإن درتا أفسرها بجيك راجع، لكنك بما أنك إتا، ياكآ أنا.
ما بحتاج أفسرها؛

إحنا مسالمين
إحنا مهذبين
إحنا مستورين
إحنا كرماء
إحنا راقييييييييييين
إحنا قافلة ماشة
إحنا عزوة
إحنا بنترفع عن الصغاير
إحنا سودانين

وخليهم يقولوا

العزيز ود مخير

التحايا النواضر يا طيب

كلامك الفوق ده

يشهد الله ياهو ديدنا و حالنا

و يشهد الله مانا سائلين فيهم و لا في البعدهم و الوراهم


القول الفصل ياهو قولك الإتفضلت بيهو هنا يا حبيب


العارف عزو مستريح

إلا أنا الواجعني و بكلكلني في نفس الوقت

و ده شعور ... أجارك الله

بخليك تقعد تحك ضهرك في الحيطة علي قول حبوبتن لينا


الواجعني يا حبيب إنو فينا لسه البكابر و بدفن راسو في عبو

و عامل ما سامع

و بغني في الحلم العربي

و يغزل في خيوط عنكبوت الوهم الممددة من بغداد

مرورا بي الخرطوم

لي بحر الظلمات