[حافظ اسماعيل احمد]

بقول غنوات في البلد البفر جنياته لي قدام
بقول غنوات في الولد البتل ضرعتو فب العرضة ويطير في الدارة صقرية
ولو السمحة مدت ايد وتلت جيد يقوم شايله هاشمية
يقابل الجاية متحزم ويدراك الجاية متلزم كلام فاسك
علي ارضك بيبقي عديلة يا بيضة ويبقي زفاف
تزقرد ليه قمرية
وقبال حول تخيم غيمة قبلية
ترش الدارة والحدب الصعيد الحلة
يا سمحاتنا هو لب لب يا قمحاتنا هو لبب
سالتك بالذي ركز الارض معبد وسوي الناس عليها مقام
سالتك بحجي الامات ودعواتنا
سالتك بكيبداتن ودعواتنا
شليل وين فات شليل وين راح
اقول طل الخريف فاتنا وشليل وين فات
حرازنا شليل وشلينا دليل
شليلنا دليل علي البلدان بعد درب التبلدية
مزراع بات علي عشقين تراب بلدو وسماح فوق بت مزارعية