[align=center]بعد الانتفاضة والديموقراطية , جاء إلينا مجموعة من ناس حى البوستة جنوب فى معهد أمد رمان العلمى يمثلون التيار الاسلامى ( الجبهة الاسلامية القومية ) .
وكان معهم ‘خ , م. فى ذلك الوقت يمسك دكان التموين بالحى وبشرنا أنه سوف يعطينا سكر التموين وزيت واشياء اخرى اذا التزمنا بإعطاء صوتنا جميعا الى مرشح الجبهة الاسلامية .
وغزوناهم فى عقر مقرهم مطالبين بتزويتنا وتسكيرنا !!.
وقد كان شيئا ملفتا للنظر ؟.
وفى المرة التانية جاءنا من يلاحقنا مستفسرا عن مصدر هذا السكر ومن اعطانا اياه. ؟.
وكان معنا اخ من الجزيرة عفريت من الانس حكى له القصة بأستفاضة !!.
وقال انا من اولاد بابكر زروق تعالوا تحت عمارة عمر الجزلى( داخلية معهد الكليات التكنلوجية ).
وبعضكم أمام زريبة الفحم جنب مخزن الجلود بتاعهم ايضا عشان نأكل الفتة ويحصل البركة !!.
واكلنا الفتة ؟!!.
قال الرجل الاكل الاكلتو دا من بيتنا وحلال من عمل ايدينا !. وابوى وجدى صالح زيكم كدا وما يحب الحرام او الغش !.
اما السكر اللى شلتوا دا حق ناس الحى والزول الاداكم دا ما يملكه عشان يديكم هو خادم مؤتمن عليه ورشاكم بيه ؟!!.
الكيزان يمكن يعملوا اى حاجة عشان يكسبوا وبكرة لو فازوا يبيعوا حق الناس والبلد كلها عشان نفسهم بس ؟؟!.
وأشار الى خلف زريبة الفحم الى لوحة مكتوبة بخط واضح( زاوية مبارك زروق التجانية ).
دا محل عبادة وسبيل طلبة من غرب افريقية وغرب السودان يدرسوا الدين انحنا ولا الكيزان ؟. انتو . قلنا !.
مشينا تواثقنا ان نعطى اصواتنا للاستاذ تجانى الطيب بابكر .
وفعلناها وفاز وفرحنا .فتة ولا شوال سكر مسروق من جيوب الغلابة .
أيام مضت !!.
مع تحياتى . عبده.[/align]
|