[رأفت ميلاد]

بسم الله الرحمن الرحيم
دى ما بتاعت النور .. دى بتاعة حبوبتى لما تتحكر وتفتو كلو

طبعاً عارفنى ما بتاع زيارات ودية .. والكلام ما كلمة ونص .. لازم الشمارات مقعدة .. وهو جنس شمار .. أصبروا بس ..

بالمناسبة دى أول مرة أخش البوست .. حاجات فوق فوق .. يعنى كنت متفرغ فى الطقيس .. حتى الصور النزلت فى حسابى كان كمبيوتر (أبيوز) .. سمحت ليهم يشتغلوا بى كمبيوترى فى غياب اللتم ..

يا دكتور يقولوا ليك فى هولندا تقول عادل ونجت .. خذلتنى والله كنت متخيل سؤال أهم .. لكن محضر الإجابة الصاح والبتريدا ..

مشينا يا بكور فى عز البرد والمطر .. لكن أريتو مشى الجنيات يا بتاع الأنفاق .. فوق للأرض وما تحتا ..

سرورة ختيت بالى من غشوتك طلعت ساقط جغرافيا .. بتم ليك الباقى بعدين ..

حبيبنا الشقيلينى .. فى حضرة جلالك يطيب الحكى .. أرجانى ..

تحياتك واصلة يا نبرة وشمارك إسكايب ..

سلامات يا هاشم .. الله يجمع البعيد كلو

سعادتو النور .. برضيك مافى مشكلة .. حريفين فيها .. بس ركز معاى .. ورقى كارب بس طلع لى الهارت كلو ..

والله يا سمورة كنت بين السما والأرض تحت رحمة (نفاقيتر) .. لكن ما خلعتينى فى نص الخلا .. الأنتيم لمعناه ليك زى كرشة الكمونية ..

هيفاء إذيك .. قلنا الصور بلاها .. قالوا هيفاء أمرت ..

عادل عسوم الحتة المبضبضة لازم تعجبك .. لكن غايتو رضينا باللبن الرايب ..

يا أمال فى صورة .. وكان لبدوا منها بنزلا أنا .. مافى غلطة علموها وإستعملوا كمبيوترى .. تشوفى الرز مع الملايكة بياكلوه كيف ..

مرحب يا ود الصايغ خليك قريب وتشوف الهنا والسرور

خدر شنو يا أبو نورة .. ياخ كان مقلب زى قريبك الرباطى شوقى بدرى .. قلنا خالد الحاج مقددا من نمرة تلاتة والسجانة وترب فاروق .. طلع فشنك .. ياخ ده كان حاصل شنو ورا سينما أمدرمان لقيتو مسطح ..

الرشيد ركز فى الجاى وسيبك من كلام النسوان .. شفت ليك مرة أدت جائزة

يا طارق الأسد سابقاً والديك حالياً .. أستنى علىّ لامن أقشر اللوز

والله يا أميرى أنت النقشت .. ياخ جنس برد .. وما عندهم دوا برد التقول ساكنين عنيزة

فتحى مسعد مرحب بيك فى وطنك الثانى فعلاً ..

الجيلى هوى ود عباس طلعو من البصلة وقشرتا .. هولندا شنو الجيتا .. أنت كان أقرب منك بلجيكا .. وما قدرتت أصل إيمان .. غايتو أنت الوكت ما كان بكفى نتلاقى فى نص المسافة .. أنت محل ماتمشى تمشى آخر الدنيا .. زى مشية روما ..

بعدا ببدا ليكم .. أبدا ليكم بالزول الفلته واللفتة والكفتة عزيز خطاب

لوكوا الصبر ما القرض