اقتباس:
المشاركة الأصلية كتبت بواسطة رأفت ميلاد
الناس ديل ورثوا (وثنية) اليهودية وعبادة المقدسات .. وهى وسيلة سريعة لخلع اللوم على الدين وتحميله أوزارهم .. يتوه الناس فى (نص) آية فيغيب المراد بها .. الآن الخلاف فى دقائق الصلاة .. عدد ركعاتا .. ومواعيدها .. وترتيباتها .. وكل واحد عنده دليل وإستدلال .. رغم (الصلاة) فقط كلمة لها مدلولاتها .. لحظات يتصل فيها الإنسان بخالقه .. لحظات متجلية .. وخشوع وإرتباط .. عند البعض القليل فى الأحوال العادية .. وكثيراً فى أيام الضيق والمرض والعوزة .. أما ما يختلفون فيه ويتعاركون لن يتعدى (جمباز) .. على حد تعبير أمير المؤمنين ..
|
مرة يا رأفت فتحي سألني و قال لي: انت يا بابكر بتستفيد شنو من طرح نوع المواضيع دي؟ ما بتذكر رديت ليهو قلت ليهو شنو!
لكن هسع دي حابي أقول ليهو:
إثارة نوع الكلام دا ممكن يجيب ليك رد عميق زي الستة سطور الفوق دي
دا من نوع الكلام الما ممكن تنساهو عمرك كلوا زي ما بقول مصطفى البطل
طوالي تلقاهو مشي حجز ليهو فايل غير قابل للمسح في الدماغ بتاعك...
الصوفية عندهم قصة عن جماعة لقوا ليهم إمراة بتصلي بطريقة غير صحيحة بتمتم ليها بكلام و تركع و تسجد، قاموا وروها كيف تقرأ في الصلاة و مشوا منها ركبوا مركبم، المرأة حاولت تحفظ الكلام القالوهو ليها و نست بعض الاشياء، طوالي قامت جارية في سطح الموية و بتسألم: كدي عيدوا الكلام القلتوهو تاني! الجماعة قالوا ليها أرجعي ..أرجعي سوي الشغل الكنتي بتعملي فوقو...
رأفت لو سمحت أمير المؤمنيين ختها بين هلالين