اقتباس:
المشاركة الأصلية كتبت بواسطة الرشيد اسماعيل محمود
سلامات وليد ومرحب بيك في ديارك..
معليش كنت بعيد بسبب مشكلة في شبكة النت عندي..
اولا ياحبيب كلامك متناقض للحد البعيد وما وقع لي قدر ماحاولت
والله..
انت قلت:
وتاني جيت قلت:
طيب الكلام الفوق ده ليه انت اعتبرتو منطقي وتواتر السنة غير منطقي..؟؟؟
البخليك شنو تعتمد الروايات اعلاه دي وماتعتمد روايات الاحاديث؟؟؟
ما هو كلو كلام متواتر وصل لينا عن طريق رواة مختلفين؟؟؟
وبعدين ياوليد القرانيون ديل ماعندهم شك في انو القران محفوظ الي يوم الدين..
(انا نحن نزلنا الذكر وانا له لحافظون)
وحتي السنة هم لم يرفضوها اجمالا وانما تحفظاتهم علي بعض الاحاديث التي لا تتفق والنص القراني مثل احاديث حد الرجم للمحصن ..وحد الردة والحجاب وغيره من الاحكام التي لا تؤيدها نصوص قرانية مباشرة..
اما السنة الفعلية كالصلاة والزكاة والحج فلا اختلاف عليها..
اما امير المؤمنين بتاع بكور ..ده شريعتو براهو وحتي القرانيين ما اظن بشطحو زي شطحاتو دي.
ما اردت قوله ياوليد انو الايمان ما وقر في القلب..والايمان اذا كان يؤخذ بالعقل لما امن كثير من الناس.
فبعض الاشياء تجدها بحسابات المنطق مستحيلة رغم حقيقيتها.
ممكن تفصح لينا اكتر ياوليد؟؟؟
الخلل وين من وجهة نظرك ومنطقك البنيت عليهو الاتهام..؟؟
وبرضو كلمة شوائب دي مبهمة ياوليد ياريت تدينا نماذج وامثلة
برغم التناقض الواضح في خطابك..
مرة القران فيه خلل وشوائب..
ومرة تقول:
اضافة الي انك بترفض الاخذ بالتواتر ثم بتحاول اثبات فرضياتك
الخاصة برضو عن طريق التواتر..
مرحب بيك تاني و ...
بجيك راجع..
|
السيد الرشيد تحياتي
بالنسبة للتناقض ما اظن في تناقض وانا اعتمدتا علي الروايات دي لانها تاريخ وما اظن ممكن نتخلى عن التاريخ ونحكم علي الامور بدونو الروايات دي مذكورة في كتب زي ينابيع المودة للقندوزي والفهرست لابن نديم ودي كتب بتأرخ للكان حاصل . اما بالنسبة للاحاديث فعندك زي ما انا قلت ابو هريرة العاصر سنتين بس من حياه النبي لكن روى عنو اكتر من 4000 حديث جابم من وين وبعدين في احاديث رواها ابو هريرة ما تخش الراس منها مثلاً :"إن رسول الله (صلى الله عليه وآله) قال: إذا نودي للصلاة أدبر الشيطان له ضراط حتى لا يسمع التأذين، فإذا قضي النداء، أقبل حتى إذا ثوب بالصلاة أدبر، حتى إذا قضى التثويب أقبل حتى يخطر بين المرء ونفسه، يقول: اذكر كذا، اذكر كذا لما لم يكن يذكر حتى يظل الرجل لا يدري كم صلى". هسي دة كلام بخش الراس . والامثله كتيرة وما تنسي انو الامام ابو حنيفة اخد من الاف الاحاديث دي 17 حديث بس لانو الباقي من وجهة نظرو كلام ساي .
عرفت كدة انا السنة بشكك فيها ليه لانو ابو هريرة ليهو في صحيح البخاري اكتر من 4000 حديث .
اما بالنسبة للايه ( وانا نحن نزلنا الذكر وانا له لحافظون ) فانت قلت القرانيين مؤمنين بي انو القران محفوظ وانا ما قراني لكن شايف انو معاهم حق في التشكيك في الاحاديث.
اما بالنسبة لي كلمة شوائب فهي ما مبهمة الشوائب ياها البينتها في مداخلتي وهي التجاوزات الحدثت في جمع القران .
انت يا عزيزي عايزني ما اخد بي تواتر الاحاديث ومين القال ليك انا ما ماخد بيها انا ماخد بيها وفي مداخلة من المداخلات قلت انو الاحاديث الصحيحة دي صحيحة لكن من حيث الاسناد مش من حيث انها حقيقية والسبب الخلاني اقول كدة احاديث ابو هريرة .