اقتباس:
المشاركة الأصلية كتبت بواسطة الرشيد اسماعيل محمود
وليد جيتك تاني..
القال منو انو السنة هي شريعة النبي الخاصة بيهو..؟؟؟
وبعدين كدة انت بتنفي جوهر الرسالة بسطر واحد بس..
وبتختزل دور الرسول (ص) في انو مجرد وسيط ناقل فقط..
صحيح في نصوص قرانية بتخاطب الرسول كنبي يعني في شخصه (ص)
(اية الحجاب نموذجن) والخطاب فيها يبتديء ب(يا ايها النبي)..
بس الخطاب القراني لما يخاطب الرسول بيختلف لانو يفهم في السياق العام حيث لا خصوصية إذاك..
وده اعتمادا علي الفرق بين مفهوم النبوة والرسالة
بمعني انو ليست السنة كلها شريعة خاصة بمحمد (ص)..وإلا كان
اي زول ينجر ليهو صلاة خاصة بيهو ويفسر النص القراني حسب
ما اتسق ومفهومه العقلي وحسابات المنطق خاصته.
والقرانيون ديل ياوليد اعتراضهم الوحيد في ما لايتوافق والنص القراني
ماعدا ذلك هم ماخدين بالسنة طالما لم تتعارض والنصوص الربانية.
والقرانيون جوهر دعوتهم بيقوم علي اساس المناداة بتنقيح الاحاديث
النبوية الشريفة فما توافق والقران تم الاخذ به ومالم يتوافق لا يعتد به
|
الرشيد معليش بس انت الظاهر فهمتني غلط
الفرق بين السنة والشريعة فيهو لبس بالنسبة ليك , العايز اقولو انو في فرق بين عقل النبي وبين عقل عامة الناس فمخاطبة النبي علي قدر عقله فدي هي السنة والسنه شريعة وزيادة , والسنه ليست خاصة بالنبي فقط ( لقد جاءكم رسول من انفسكم ) ومن انفسكم دي بمعني انو النبي من عنصر البشر وما غريب لكن الاختلاف هو اختلاف مقدار وليس اختلاف نوع لذلك فمستوي مخاطبة النبي يختلف من مستوي مخاطبة العامة , وهنا جات الشريعة وهي تكليف المؤمن في مستوي الرسالة الاولي وليس المسلم لانها بالنسبة للمسلم تكليف في البدايات ومفتحة علي الطريقة لانو المسلم علي مستوي الرساله التانية شريعته السنه ( سنة النبي ) , ولو لاحظت انا قلت "وهذا جانب اخر غير مرتبط بالموضوع " لانو كدة حندخل في موضوع تاني بيتعلق بالرسالة التانية وعشن البوست خاص بالحوار حول القرانيين وتسويراً مني لي الحالة صدد النقاش انا قلت دة موضوع تاني
خالص الود