[rubs]

المشاركة الأصلية كتبت بواسطة أبو أماني

أسع توحة الكارثة يجي ناطي ويقول أبو أماني خلاس فكت منو وبقي يزغرد .. لا كين الحقيقة أنا دخل مني حلف وقلتو للحبيب تربيع نزار حسن على .. قلت ليو بعد الغيبة الطويلة دي كان روبس إستجابت لمناشدتي ورجعت عيلا أزغرد .. واليقولوا زي ما يقولو .. حمد الله على السلامة والله واحشاني يا روبس أكتر من ماهيتي ظااااطها..كيفك وكيف بعلك وعيالك الحلوين إنشاء الله طيبين .. وعاهديني أسع دي تاني ما تغيبي متل الغيبة دي .. ما شفتى يا بت أمي .. أبونا النور يطول عمره إنشاء الله والزمان ما يدمرو .. صرف على القهوة صرف بزخي يابت تقولي والي المريخ! شئ فولص سيلينغ وشئ موكيت في الصالات الجوه والمكيفات الويسبر والإسبيليت ما تديك الدرب وكان جيتي للحديقة .. طرابيز من الموسكي والمهوغني ..وأشجار زيزفون وسيسبان ودقن الباشا والنجيلة تملصي نعلاتك وتمشى فوقها حفيانة ..وعييييك يمين لما شفت القهوة بعد التحديث خفت عمر بشير يعمل حفلة نجاحه في اللينتخابات فوقها .. يلا غيري وتعالي .. وجيبي معاك العيال .. وأديها قبال ما يلمها فوقك نزار ويقول ليك .. دقي يامزيكة!

ملحووووزة ود مخير :-

الملحوظة دي بتخص العزيزة سرورة .. طبعا لما تقرأ الغزل الرفيع ده في روبس حتغير غيرة شديدة والكاروشة تمسكها .. أصلها من زمان بتغير على منك يا روبس .. الللللللوول !

تسلم يا سيد الزوق الرفيع والعقل الكبير .اصلا ترحابك دا متوقع (بس بينى وبينك ما بقدر على الذوق الكتير دا انت عارفنى بحب المناكفات والشكل عشان كدا ما تتظارف كتير عشان نقلب بسرعه )
سروره الحلوه كيفك مشتاقووووووون جدا جدا وللبع... اكتر شئ وخلينى ارجع واحكى ليك قصتى مع الفكى الجابوه اربط ابو امانى .
الغالى نزار المافى منو اتنين ..بس لو ختيت ابو امانى عوجه تب ما بتجييك


تخريمه صغيروونه لفيصل سعد .. بعد الشوق سؤال انت ليه كل ما انزل صوره ما بتفتح مالى عاملين على حظر !!!!! وتانى مشتاقييين