[النور يوسف محمد]

المشاركة الأصلية كتبت بواسطة نبراس السيد الدمرداش

سلام عليكم جت عليكم

و انا زيك يا ساره ما كنت حابه اشارك نهائي
و تشاغلت عن البوست كثيرا

شيخي مع احترامي لوجهة نظرك
بس البوست ما وقف عند حيثيات الايقاف
الموضوع جر و جاب المشكله اصلا سبب الايقاف
و دا موضوع اعتقد المعنيين بيهو من قرييييب (اطراف المشكله)
بدوا يرمموا دواخلهم و يتناسوهو (لانو ماشيء بتنسي)
وكل ما يتفتح بوست يقود بطريق او آخر للمشكله يتجدد الجرح
و نقعد نفتش منو الغلطان ومنو الصاح
وفي البطالب بطرح كل تفاصيل المشكله على البورد العام
و في البطالب بانو يتفتح تحقيق وتتشكل لجنه جديده واستئنافات
وفي العاوز الكل يجي يناقش

الكلام لو كان ناقش ايقاف الاعضاء بناء على اللوائح كان بكون مجدي
لكن البوست غير ذكرنا بسبب المشكله الاساسي و قلب علينا المواجع ما استفدنا منو شيء

مافي بند في اللائحه بقول منال تقيف
برضو مافي بند بقول عادل يقيف
ومافي بند بقول المشاكل البتحصل خارج المنتدى تبت فيها ادارة المنتدى
صاح المنتدى كان سبب في المعرفه
بس هل الاداره معنيه بسلوكيات الناس الشخصيه
ما حصل كان استثناء
و قرار اللجنه كان استثناء

جيلينا
و انت ادرى و اعلم بامور الاداره
مافي شيء كامل
نشوف القصور وين و نكملو
نجود العمل نستفيد من التجارب و الاخطاء
نحن سكان البيت كلنا بما فينا خالد
نشوف الحته العاوزا بوهيه نديها و الماسوره الاتكسرت نغيرا و الحيطه نتمها
نتحمل بعض
نفوت مره و نزعل مره

طولت عليكم صاح

بسم الله الرحمن الرحيم
الأخت نبراس ..
تحياتى وتقديرى وكل احترامى ..

هذه من المداخلات الناضحة ــ فهماً وأدباً وحياءً ـ
و صدقاً ,, فإن من يده على النار ليس كمن يده على لوحة المفاتيح