[Mohamed Ahmed Haroun]

المشاركة الأصلية كتبت بواسطة الجيلي عبد الله الريح

أهلنا في السودان دائما ما يلجأون للطب البلدي أو العلاج البلدي
قبل أن يذهبوا الى الطبيب ...وهناك الكثير من الاعشاب والنباتات
المعروفة داخل أي بيت سوداني : شيح ، محريب ، قرنفل ،حلبه
سفوفه السنامكه ، اليانسون ،الحرجل ،غرنجال ،حتى الحميض والحنضل والقائمه طويله
ولعل أهم هذه النباتات وأرخصها في السوق المحلي والاقليمي
هو القرض ؟؟؟ نعم القرض رغم مرارته وشناته ...لكنه دواء
سحري إكتشفه السودانيون من قديم الزمان لفوائده الكثيرة ..
لذلك لايخلو أي بيت سوداني من القرض .. لمنفعته العظيمة
فهو سهل الاستعمال ..رخيص جدا ويمكنك أن تجده مجانا تحت
أشجار السنط .. بخور القرض يفيد نزلات البرد والقحه وإحتقان
الانف والحلق ، ٣حبات قرض في كباية روب خمير الصباح تعالج
الاسهال والدوسنتاريا ، القرض مخلوط مع شوية ملح وزيت سمسم
يمسحوا بيه صدر الطفل صباح ومساء بيشيل الحمى أم برد ووجع
الصدر للاطفال ؟؟؟ أذا قدرت تلوك ليك قرضتين تلاته على الريق
بيشيل ليك وجع الحلق وبيفيد الضروس الخلفية الفوق ..؟
أكبر فائدة للقرض ومثبته علميا هي قتله لديدان البلهارسيا في الترع.
وهناك ماهو أكثر من ذلك دباغة جلود الحيوان ومعده ومصران الانسان..
ولذلك ندعو لزراعة أكبر عدد من شجر السنط ..
وليكن شعارنا أزرع سنطه أقلع نيمه (لانو ضل النيم بيعود الناس الكسل ومافيه فايده) ...
فالسنطه هي صيدليه مجانيه في البيت ؟؟
بعدين بنقلل من زيارت ونفقات الاطباء ؟؟
أنا خايف من زيادة رهيبه لاسعار القرض ودخوله السوق
السوداء بعد أن صرح مسؤول كبير بأنه لاحوجه للاطباء .. الناس ترجع تتعالج بالقرض ...؟؟؟

انت يا الجيلى الكلام ده قلته للسيد (نافع )قال القال ليكم نحن عايزين دكاتره منو نحن بنعالج الناس
بالقرض