[الأغبش]

المشاركة الأصلية كتبت بواسطة سمراء

والله يا اغبش النصيحه التبلد ده نوع من التبنج المؤقت ، وبفك !!
بس الاحسن منو مواجهة الحاجات وعمل جرد كاااامل للمخازن الداخليه ..وكبسة وكشة
ان دعا الحال !! ذى ما انا عملته اسع
والله لقيت ليك جنس روبابيكيا تكفى مصر عشرة سنة لى قدام
والان خفيييييييييييفة والحمدلله

تعرفي أحياناً نحس بثقل داخلي ما عارفين من شنو ..مرات تحاول ترجع بالأحداث علك تقع علي موضع العله ..وتفشل .. وذات صدفة وأنت تهم بنبش حاجة عادية إذا بمجموعة ذكريات قديمة تقع في عبك ...وبعد ما كنت قاعد علي أمشاط اللحظة تتوهط في الجابرة وتعيش حياة بكامل تفاصيلها للمرة التانية .. بعضها يترتب تاني ويرجع أنضر وبعضها يمشي السلة .. تقوم من من غير ما تتذكر انت أصلا كنت جاي هنا تعمل شنو ..

ولو حظك نحس في اليوم داك يجيك زول طاير في عز الغتسة دي ويقطعها عليك ..وتفوت الفرصة ومامعروف تجي تاني متين ...