22-08-2010, 07:13 AM
|
#[45]
|
|
:: كــاتب نشــط::
|
اقتباس:
المشاركة الأصلية كتبت بواسطة الأغبش
تعرفي أحياناً نحس بثقل داخلي ما عارفين من شنو ..مرات تحاول ترجع بالأحداث علك تقع علي موضع العله ..وتفشل .. وذات صدفة وأنت تهم بنبش حاجة عادية إذا بمجموعة ذكريات قديمة تقع في عبك ...وبعد ما كنت قاعد علي أمشاط اللحظة تتوهط في الجابرة وتعيش حياة بكامل تفاصيلها للمرة التانية .. بعضها يترتب تاني ويرجع أنضر وبعضها يمشي السلة .. تقوم من من غير ما تتذكر انت أصلا كنت جاي هنا تعمل شنو ..
ولو حظك نحس في اليوم داك يجيك زول طاير في عز الغتسة دي ويقطعها عليك ..وتفوت الفرصة ومامعروف تجي تاني متين ...
|
اللغبش صباحاتك نديانة وتريانة ،،،
عارف لمن يكون عندك دولاب ملياااان فل وبتقفل يا الله ، وتجى تفتحو البحصل شنو ؟؟
بس ياهو ذى لمن تقعد تنبش ليك فى حدث صغير تقوم كل المخزونات تجيك ورررررر تخ فى وشك!!
اها بس انا امس عملته نفس الشى ، وطبعا قعدته ليك ليها بمزاااااج تصنيف ، ولقيت ليك 90%
مشى السلة ، والباقى فى الدرب ...
ليه بنزحم روحنا بعلاقات المجاملة اللابتودى ولا بتجيب !!
ليه نشتت روحنا البقت زاااته مالاقيه فرقة دى !!
انا من زمان عندى نظرية ، انو التشتت فى العلاقات ماكويس ، لانو مفترض اى علاقه توفيها حقها من التزام ، بس للاسف لقيت انو الزمن مابسمح لى كده ، وبتكون ملام ...يبقى من باب اولى ما يكون اصلا فى علاقات عشان ماتتلوم فيها .....وبكده بترتاح وتريح !! صاح ؟
|
|
|
|
|