[عبداللطيف النقر]

المشاركة الأصلية كتبت بواسطة مي هاشم

صباح الخير يا ناس..
الكترابة دي بدت متين

وزي ما قال مبر..مافي أوراق ثبوتية للبيع ده..ولاّ كلام جرايد؟؟


غايتو كان صحي بيع زي ما قال الجيلي دة غزو من الداخل..وكان شراكة زي ما بقول أحمد برضو غزو من الداخل
شبابنا ما لاقي شغل..والمزارع عينو طالعة..ما نزرع برانا والتسهيلات البيلقاها الأجنبي المواطن السوداني ربعها ما عنده!!سبحان الله!!شوف كلمة مواطن في الخليج معناها شنو وعندنا معناها شنو!!شتّـان..

*يا الجيلي..اتكلم في موضوعك بس وخلي تصنيف الناس المتداخلين..وانت يا أحمد نفس الشي..خلو الحوار يكون مفيد..
متابعة.ومعليش على الخرمجة

[align=right]كل عام وانتى بخير مى --

شبابنا للاسف كلهم بتاعين تنظير وجدلية وفلسفة فارغة -- ما فاضين غير يسبوا - الدولة الحكومة -- الكيزان - المتأسلمين -- الخ --- دايما بيذكرونى كاراكتير لعزالدين فى السبعينات -- مره تصحى فى زوجها الطاشم -- قوم يا عبد الشرشور خاوطنا الليل كلو بالانتاج سنحمى الثورة -- اعتقد انو الكلام كان متزامن مع انقلاب الشيوعيون --

لم نقرأ فى كل هذه الجعجعة امر بيع او تنازل عن شبر واحد من هذا الوطن -- ولكنها كما اري هى تخاريف بعض ادعياء الثقافة ومحرجى الناس والتمشدق والفلسفة وادعاء المعرفة -- وفضاء الذهن -- ولا عمل لهم الا المجادلة --

سوداننا به الخير الوفير -- لكننا نحتاج لناس عمليين وليس لمنظراتية -- ما يضيعونه فى البحث فى الفضائيات ومحركات البحث لا يدع لاحدهم وقتا ليرتب سريره - ناهيك عن ترتيب امر امة --

كلامك عن المواطن الخليجى والمواطن السودانى صحيح -- فالمواطن الخليجى يحترم قادته واولى الامر فيهم -- ونحن -- نسب ريئسنا علنا بل يطالب بعض السفهاء ان يسلم للجنائية ليحاكم -- وينسون اننا من غزية ان غوت وان ترشد غزية نرشد --

ياريت تقروا مداخلة مبر -- فهذا الرجل يعجبنى -- خير الكلام ما قل ودل ----

تحياتى [/align]