[الجيلى أحمد]

المشاركة الأصلية كتبت بواسطة نبراس السيد الدمرداش

جيلي القوم
تحياتي و العيد يتبارك عليك

ناس مصر عندهم مثل بقول
قالو لفرعون ايه فرعنك,قال ما لقيت حد يحوشني
فيا جيلينا مافي زول وقف للناس البتشتري و تبيع دي
ليه قرض بقيمة كذا مليار من بنك الخرطوم للمصريين
و مزارعينا قروض بالقطاره و يحصل انو يفشل الموسم الزراعي
لاي سبب كان ويدخلوا السجون بسبب عدم السداد حاجه تحير

يا جيلينا تعال و شوف النقل النهري اتصفى و اراضيهو قامت ابراج
على شاطئ النيل الزرق و بالاتجاه التاني فلل رئاسية و منشار طالع واكل نازل واكل
الوجع كتير يا جيلي القوم قول يا لطيف

دى واحدة من أسباب الوجعة ,
تعرفى يانيبو ,
القروض الحايدوها للمصريين دى كافية لاعادة الحياة لمشروع الجزيرة
فى ظل ادارة جيدة وواعية وملتزمة بتطوير المشروع,
لكن الجبهة الاسلامية نفسها تعلم أنها قامت بتشريد كل الاداريين الاكفاء فى
كل الخدمة المدنية فى السودان, فأستولت مجموعة من الانتهازيين وأصحاب الولاء على زمام الادارة والخدمة المدنية , مما أنتج كارثة , أدت لفوضى عارمة فى كل المجالات,..
بيع المشاريع , هى الحل الأسهل للتخلص منها وللربح السريع للعصابة المسيطرة على الصفقات , دون حساب الآثار المترتبة على ذلك..
وتلك كانت طريقة الجبهة فى ادارة كل الأزمات والمشاكل التى مرت على البلاد,
والنتيجة كما ترين الآن,
بلد ممزق , يرزح تحت الجوع والقهر
ومشاكله الاقتصادية والاجتماعية فى تصاعد وتنامى ,لأن السياسة التى أنتجتها ماضية فى نفس الاتجاه, كانما الكون فى حالة سكون ووجوم طوال العشرين عامآ السابقة..