[كيشو]

المشاركة الأصلية كتبت بواسطة الزوول

غايتو لو كان يليق بنا أن نقول
ووووووب علي أنا من شريط عصام كيشو الاتلحنا بيهو ده
لقلناها وكررناها

....
تعرف يا كيشو
بقيت لي زي بتاع الصوت الفي القصة ديك الما مذكر قريتها وين
المهم
القصة تحكي عن ترشيح انتخابي في مكان ما
والسباق على أشده بين مرشحين لحاكم البلدة
الأصوات تقريباً تساوت
وكان فاضل زول في أطراف البلد لسه ما صوت
قاموا جابوه
صوت لواحد ...فاز الراجل وبقى حاكم البلدة
زولك (اب صوت) ده ما خلى ليهو مكان ما نشر فيهو المعلومة دي
أنا .... العينت ليكم الحاكم ده
والله لو ما أنا ... ما كان الزول ده بقى حاكم
وكمان زادت الحكاية شوية شوية
بقى يمشي لمكتب الحاكم يطلب مقابلته
ويقدم لمدير المكتب التعريف المعهود
قول للحاكم أنا الزول الجبتك قعدتك في الكرسي ده
لغاية الحاكم زهج من الحكاية زهج شديد
(سلط واحداً ايدو مُدمه)
دقوه لما عرف حاجة
....
هسع خايفك يا كيشو
تجي الأمارات تفتش شريطك ده في بيتنا
....

[align=justify]الزوول اللذيذ
شريطي عافيهو ليك بدون دق
تتذكر كنت مجننك بيهو في أسيوط، والحكاية كلها أطلع لي منك بي تعليق تعليقين بي صوتك المميز داك
ياخ بالله ما تغيب كتير[/align]