[الزوول]

السلام عليكم....

المشاركة الأصلية كتبت بواسطة كيشو

[align=justify]
يا جماعة العوض دا شال مني شريط وما رجّعو، والله لي هسه متذكر ختتو للشريط في جيب قميصو[/align]

المشاركة الأصلية كتبت بواسطة Wad Elbeck

العوض سلامات ..
بمناسبة شريط كيشو دى .. عليك الله أحكى لينا قصتك مع شريط النعام آدم بتاع صلاح كرجويل ..

المشاركة الأصلية كتبت بواسطة مكي محمد الحسن

..علي فكرة يا كيشو سجل للزوول 3 شرايط فقد وجدت في درج مكتبته عندما سكن معه الاخ سيد احمد ابوشعر وانا خريج ل أبوداؤدإخنفي مني عندما كنت برلوما ..وما زال ملف د.الزوول مفتوحاً حتي تتم ترقيته الي رتبه (المهم )
يلا سلام

يا جماعة انتو مستغلين حكاية العوض النساي ديك
وأي شيء ملصقينها فوقي
بعدين دي فوق ل25 سنة
شرايطكم دي ما نسيتوها
هسع الزول يعملكم زي فضل المولى
يمشي تاني ما يرجع
....
طبعاً كلكم عارفين قصة فضل المولى
الزول العمل العملة داك
ولفائدة البرالمة نحكيها
(وأرجو أن تعزروني على الألفاظ التي لا تليق بمقامكم ولكن لا يمكن للقصة أن تستقيم بدونها)
...
المهم
صاحبنا ( فضل المولى ) ده كان عايش في قرية كده
ويوم اتخرج من الجامعة
عمدة البلد شاف انو لازم يعملو تكريم
فضبح ليهو ضبيحة ودعاه ليها
ودعى ليها كبار القوم في البلد
المهم ... زولنا ده اول ما داير يقعد في الصينية
فلتت منو ضرطة من النوع الضخم ...الشنيع داك
زولنا ... اتلفت لقى تقريباً كل الناس سمعوا الفعلة بتاعتو دي
الناس الكبار اكتفوا بابتسامات ... والشفع فكوها ضحك عديل كدى
زولك مرق زي كأنو ماشي يشرب موية من الزير
ومنها على الشارع ... وعيك
الشردة الياها
خلى البلد ضمة ..ضمة...
بعد كم وعشرين سنة ...
ماتوا ناس ... وولدو ناس
قال لازم يكون ناس البلد نسوا موضوعو داك
واشتاق يمشي يزور بلدو
اها ...
رجع البلد
في طرف البلد كدي ... شاف ليهو شاب
قال يسألو من أحوال البلد
اسمك منو ... يا بني
اسمي الطيب
انت ساكن في البلد دي
اي ... انا ولدوني هنا
عمرك كم يا بني
والله عمري ماني خابرو
عِل ...ولدوني في السنة الضرط فيها فضل المولى في بيت العمدة
زولك فضل المولى من محلو داك ورجع
....
كيشو ....
انت كاتل الرقبة
لما يسجنوه سجن مؤبد ...
مش بيطلع بعد 25 سنة ؟؟
.....