[دوت مجاك]

المشاركة الأصلية كتبت بواسطة عابد عقيد

بعدين يا اخوى ووالله لو حصلت وحدة والانقاذ دة مصنقرة فى الخرطوم على بالطلاق اضبح نفسي باصبعى لو فكرة امشي الخرطوم تانى

العزيز دوت مجاك .... كتير التحيايا

كان الانقاذ هي المقياس حقو الشعب السوداني يطلع يخلي ليهم البلد هم والمطبلاتية بتعانهم .... لأن الشمال والجنوب متضررين علي حد سواء من هذا التنظيم الفاشي والمعيار عندهم ما جنوبي ولا شمالي ... الناس ديل بعرفو حاجة واحدة كوز ولّ ما كوز .... ولكن اي انسان ناكر حق شعب الجنوب في تكوين دولته فقد جانبه الصواب ... مع انو كنا نتمني ان يتم تحرير السودان كلو من الغزاة الجدد مش تحرير الجنوب بس ... علي الاقل عشان نحافظ علي مكونات الانسان السوداني النفسية المزيج من كل الثقافات السودانية ... واكيد غياب واحدة من هذه المكونات هو شرخ في نفسية الانسان السوداني .... ولو حصل الانفصال فمعركتنا مع عصابة المؤتمر الوطني مستمرة ... لأن سيف الغبن التاريخي مسلول ولا يدخل غمضه حتي يتم تحرير ما تبقي من الوطن ..
وفي انتظار ما تأتي به الايام القادمات ..

لك كثيف المودة .

الاخ عقيد
نحن لا نملك خيار ان نعتقد ان الانقاذ هى من تقرر تقسيم السودان لان الامور كلها بيد الانقاذ وربطت على صدورنا سنوات وسنوات وهذه فرصة احد خياراتها مر لذا عليك ان تختار شئيا مختلفا عن المرات السابقة فيمكن ان يتغير هذا الامور ويكون للافضل وان سارت للاسواء فلن تكون اسواء من سابقاتها على كل حال
المؤتمر الوطني يوما سوف يذهب مثل ما ذهب الاخرين الذين سبقوه على هذا الحكم
اتمنى للسودان كل خير ان كنا فيها او خارجها
كن بخير وعافية