[أبو أماني]

اقتباس:
المشاركة الأصلية كتبت بواسطة طارق الحسن محمد
الحق دى قبل تروح


ها .. إت ألله ده .. ما ليك ولا شنو؟ قايلو ما بيلحق علامات التعجب ديل والله كان رصيتهم مليون جمب بعض برضو يلحقهم .. فتحي ده شيوعى (تائب)!! يعني أختر من بدر الدين ظااااطو .. يا أخي ده مش يتوور نفسسك إت والله ده لو في جنازة راقدة .. يتوور نفسها!.. فما عليك غير تسكت بس ..والجاتك من توحة سامحتك، بعدين بيني وبينك كدي ما أخير ليك من بوكو والله داك كمان عكليتن ما بنقدر أحمد الله!!!

بعدين يا أخوانا أبو البدور الراجل الحبوب ده مالكم عليو ناتفين ريشو؟؟ ومزعمطين ليو شعيراتو؟؟ يا أخوانا عليكم الله خليكم موضوعيين في الخصومة (الفكرية) وما تتطبقو المثل بتاع الما بدورك في الضلمة يحدر ليك .. الراجل حب يتظارف ويعمل فيها (أبو الأمين) تقوموا تعملوا ليو .. (أبو السباع) وتهاجموه .. طنشتو على تقسيم وطن كامل بيد أمثاله ما تفوتوا ليو الهيافة دي؟ ما بالكم كيف تحكمون؟؟ الراجل كان فاكر البوهية دي بتشيل فيكم من أول وش وتقوموا بطيبة أهلنا السودانين والتي لا تخلو من عوارة .. تكيلوا ليو المدح والثناء على هذا الموقف الشهم الشجاع الذي لا يصدر إلا من .. (كوز) أبا عن جد .. تقوموا توروه المكشن بلا بصل .. ونجوم عز الضهر .. حسافة عليكم يا جماعة !! بالله عليكم الله والرسول هسع دي فرقكم من الكيزان شنو؟؟ ..
يلا تشششاااووو