[فتحي مسعد حنفي]

المشاركة الأصلية كتبت بواسطة أبو أماني

اقتباس:
يا أخي شن جاب لجاب .. أقول ليك اللسم سالم .. مصطفي خوجلي العارفو إنت إشتراكي نضيف وشريف ويشرف أوطان .. أما زولي ده فهو جبهجي بعيد عنك وعن السامعين أجمعين .. وليك حق ما تعرفو أصلك دايما برة عامل لي فيها إبن بطوطة .. مصطفي التاني .. أديب وكاتب وصحافي وشاعر ورجل أعمال كمان وسيم جذاب بل (ثمح!) يا قول جانيت .. ثماحة تخلى أتخن عجلاتي يعاين ليو وهو بينفخ في العجل ويقهي فيو وينفخ لمن تسمع .. طاااااااااخ.. العجل إنفجر! يمتلك صحيفة يومية بإسم الوان .. ناطقة بطريقة مبطنة بلسان الحزب الحاكم! كان عنده برنامج تلفيزيوني بإسم أيام لها إيقاع .. وكان يتحكر فوق الكرسي وعمته تقول لكمال ترباس تعال نوريك لف العمة كيف ..وكان يسخر منه ومن برنامجه بعض المعتدلين والأنتي جبهة ويسمون برنامجه بست الشاي عشان طريقة قعدته والترمستين حقات الشاي الجمبو كان ذكي تقول زكي رستم وكان غالبا ما يستضيف أعلام مجتمع من ذوي الصبغة الإشتراكية ليحاورهم بذكاء فأخذ عدة علقات كلامية ساخرة وضعته في موقف محرج وبرنامجه على الهواء مباشرة أذكر منها واقعة إستضافته للدكتور الساخر خفيف الدم والظل المرحوم عوض دكام رحمه الله عندما استفزاه بإتهامه برفضه سداد الزكاة المقررة عليه .. فرد عليه الدكتور عوض ساخرا بقوله..يا أستاذ مصطفي إنتو إسلامكم ده قاطعنو من راسكم براكم ولا شنو؟ الزكاة في الإسلام بتجوز على العب؟ أنا ما عب وأسيادي هديل حيين وموجودين في بحري القريبة دي .. أمشوا ليهم؟ وكان آخر يوم في حياة مصطفي خوجلي له إيقاع على ما أظن !.. هذا هو حرثهم وحصادهم.. الهشيم يا صديقي!

هو بالله ياهو دا البقولو عليهو الخرف المبكرمبكر شنو دا معلعل ومعثمن ومعمر
يازول الجاب حسين لي مصطفي شنو داك اسمو حسين خوجلي..
ما عارفك مصطفي دي جبتها من وين ولا ياربي يكون اسمو مصطفي حسين خوجليأصبر لي لامن أجيك أقعدك معاهو يستضيفك في برنامجو ويقول لينا : الليلة جايب ليكم احدي عجائب الزمان