[أبو الحُسين]

المشاركة الأصلية كتبت بواسطة عبد العظيم الطاهر

مبرووووووووووك يا ابو مناهل ...

وربنا يخليهن ليك ويتربن في عزك يا رب


كلام ابو خليفة ده ما يخوفك ... تلاتة بيدخلن الجنَّه

الغالي جداً أبو مناهل...

ألف مبروكة البنية الأمورة يا أبو مناهل (عشان ما تجي قمر الزمان تديني درس عصر ليش عملتها منصوبة ومفروض تكون مجزومة!!!)...

إنشاء الله تتربى في عزكم يا الله... ويحفظها ربها وتكون زهرة تملأ عليكم البيت...

أما كلام أبو خليفة لزوم الدبورتين... نسأل الله يجيب ضُلالَتِن يااااااااااااااارب... مُحُمد أخوهِن قول آمين..

وزي ما قال الفنان ود اليمني الله يطراهو بالخير...

السَمِح بيت البِنَيات بيت لقى وخير...

داجي عامر وداجي سقفو مولِّف الطير..

الرزق يجي للأبو إن بقى ماهو قادر...

أمهن مرتاحي فوووووووووقن وماب تعافِر...

تنتكي وترقد علي كوعها وتأشِّر...

عاد وا شقاها وُكت الدلو الطامس ديمي في البير...

ووانضافة الحوش ووامِلِّيسو بالجير...

أها الله أداكي يا أُم مناهل... تكوعي وتأشري بس... وإنت إنشاء الله تلقى فيها اليسرك ويبهجك... وهذه الأبيات أهديها لكل جنس لطيف بوردنا...

ولكم جميعاً مودتي كلها بلا حدود...

أبو الحســــــــــين...