يامحسن أنا ما قلت ليك بخاف أخش معاك في غلاط!!!!!!!ياخ أنا ما قلت ليك أنا دكتور حسين أبو صالح وحكاية ما عارف الفرق بين الشريان والوريد دي بالغت فيها فالموضوع وما فيهو أنا ما قاعد في ندوة طبية والقدامي دكاترة ..أنا بتكلم في حاجة والبقرو ناس عاديين وداير بس أقول ليهم الخرتوش الفيهو الدم..
بعدين ياخ خليني أنا أغلط وتعال انت صلحني وبي كدا حنكون كلنا استفدنا ودا ما محتاج تديني علي راسي..
أنا غايتو عندي اقتراح انو يتكتب في القوقل قصاد كلمة عكلتة..محسن الفكي..تجيك ناطة طوالي أول ما تكتب عكلتة والعكس صحيح تكتب محسن الفكي تنط ليك عكلتة..
الخرمجة أنا ما ناكرا وكان ما خرمجت بخش في اكتئاب والنت فعلا أدمنتو زي ما زمان كانو ناس المعاشات بيمشو يلعبو ضمنة في القهوة والمنتدي بقي بالنسبة لي القهوة والمداخلات هي الضمنة..أها رايك شنو؟؟؟؟؟؟؟؟
اضافة:
ياخ بابكر عباس دا عمرو ما قال انو دكتور ولا مهندس وأحنا الأديناهو اللقب عشان عارفنو شغال في مزرعة ابل..وحكاية انو شهادتو خريج ثانوي دي براها دليل انك زول شغال بالفارغة وقاعد تنبش ورا الناس..
التعديل الأخير تم بواسطة فتحي مسعد حنفي ; 19-12-2010 الساعة 02:50 PM.
|