[أشتر]

المشاركة الأصلية كتبت بواسطة أشتر

يراع
مذ قال للحرف إنتصب وفعل ببنت عدنان فعلته التي طفقت تلملم وعيها أسفا على قصر الكلام ...
فما عاد البوح يسرق من تلابيب الحناجر صمتنا ... ولا صيغ السؤال تراود رفده حين تأتلج الغرائز كلها بـ متى ؟؟ وهل ؟؟
خجلى تدردم حرفها كورمن الدلكة .. ترتدي ألق التنانير القصيرة ريثما تجد اللسان ...
ولسان هذا الشاب مطلوق البيان ...
وأنا .. يا سادتي .. يا سيداتي ... آنساتي ... نسواني ... شاهد عيان ...
فـ همّت به غير آبه ... زي التقول مِنقِطة ... عندما يلَقِطا ...
كتلك الحُبيبات التي لاقت حتفها من أصبع مبتل هوايته طي (لفافات الفرح)
ثم يقعد يضحااااااااك حتى أخر نفس ...
يرفع إحدى نعلية ليضع (شوشاوة حزنة) ويعفص ... يدور بكاحلة حتى يطقطع عضم شيطانة ... ثم يمضي يلوي على فعل المزيد ...
وبكدا انتهى من الآلام ... طيب وباقي الكلام ؟؟؟
معقول أقول أنا فيك كلام !!!


اسكابشنوزاً *.. أعرفتموه ؟؟؟
الزول دا لسه سجلو اسمو في كشوفاتنا بدون فك تسجيل
ود من صعاليك الـ (mainroad) الشطار جدا ...
ربرابة للحد البعيد ...

* هنا في اشتغال يا ناس العربي
نصبتو باعتبارو مفعول به مقدم عشان ما تجو تقدونا ساي
وشكرن ...

اسكابشنوز ..
أجيك شايل معاي فسحة وشدرتين بان ...
عشان الريح تفك ريقا ...
صدّقت إنو الريح نويح النو ..
صدرت الوجع لى طعنتو ورجعت الوجع للجو ...
يجيك شبق النصال مرتد ...
صدّ الرصيف وجع الجروف للموج ...
وكان طلق البحار المد ..
ولا يهمك ...
هوي
ولا يهمك ...
ودالبشرى صاحبك ... لكنو زولي ...

وا
الشوق فتح شـُرف الحلق كوراك ...
فهل جاكم صدى الكوراك ؟؟؟

الكلام الفوق دا كووووووولو فيهو تنويه بترحيب أو تعالو سلمو يا جماعة على الزول دا ؟؟؟؟
أو رحبو معاي بعلان الزلتكاني ؟؟؟




اسكاب
ادخل لينا في عبد الله الزين عليك الله وبعدين بجيك راجع للكلام البى صوتك ...
ياخ كان تخليهو بى سوطك ...
كان نمرق لينا بمحْطَة محطتين وبالعدم آخر محطّة ...