[خالد الأيوبي]

تحياتي خالد الايوبي ..

كنا بنجي ماشين من الروضة ومن المدرسة في شارع الدومة في ودنوباوي ونحن صغار
وكانو بقولوا لينا داك موسي ود نفاش .. وبحكو لينا : كان في موسي ود نفاش سايق العجلة شدييييد
ضرب العمود قال كلنج .. قال ليهو عندك فكة شلن ..
ما عارف وين النكته هنا لكن في زمنها كنا بنضحك ونتمني نشوفو ونقرب بقدر ما نقدر .
بنشوف الشعرالابيض والطاقية الانصارية زي السيف مرفوعة .تحلف لو ختيت ايدك فيها تجرحك ..
تمشي لي قدام تلقي مشاهيراخرين من ودونوباوي مهدي ازرق .. تمشي قدام يقولوا ليك داك
الهادي الضلالي .. كنا بنقول ديل رجال الحي المشهورين ولم نكن نعلم انهم من الظرفاء وعلي
مستوي المدينة او البلد ..

يا ســـــــلام يا تنقـــو
و شـــــكراً علي هذه الصور و خاصة صورة ود نفاش.

تعرف يا تنقو نحن في الأقاليم عكسكم تماما ... صحيح كانوا بيحكوا لينا زيكم (كان في ود نفاش ...) لكن الفرق أنكم عارفين إنو ودنفاش شخص طبيعي و موجود في حيكم و كمان دايرين تشـــوفوهو .. نحن ود نفاش بالنسبة لينا كان خيال أو إ صطورة أو إنسان خرافي. الشاعر الجميل يحي فضل الله قال إنه ما عرف إن ودنفاش شخص من لحم ودم إلا بعد ما كبر و صار راجل. أما أنا فما عرفت ذلك إلا من زميل لي في الجامعة من أبناء أمدرمان


و تســــــــــــــــــــــلم يا ســـــيدي