[أبو أماني]

المداخلة الفوق دي .. كتبتها يوم 8 من هذا الشهر يعني بعد أيام يكون طافت عليها سنة .. وزول جايب خبري مافي .. فعلن الناس الحلوين ناس روبس وهمس الشوق ومرافي وسارة وأمال ومنال ومرات مرات دكتورة إشراقه ومي هاشم ومزن ونور وغيرهن والحبيب تكعيب نزار حسن على وشباب حلوين كانوا يملاءون القهوة نشاطا وهجيجا زي ناس (بوكو)! وفتحي مسعد! وشليل وقيقراوي والعميد ود سعد ومرات مرات جهابذة سودانيات زي ناس الخال.. وهاشم طه يطراه الله بالخير..وجعفر بدري.. وعيييييك! كل الناس ديل فص ملح وداب .. والحاصل شنو ماعارف بقيت ياحبة عيني أجي من عصرا بدري اقعد اليوم كله أنش في البتاع داك وزول يجيني يقول لي آجاركم الله مافي ..

حقيقي موضوع جدير بالبحث .. هل العيب في القهوة ولا صاحبها ولا المواضيع الفيها؟؟ هل إحجام الناس عن التداول سببه الوضع الإقتصادي المتدهور .. أم عدم الإحساس بالأمان لدى المواطن السوداني.. أم أن موضوع الإنفصال الوشيك والذي تقشعر له أبدان البعض لمجرد ذكره .. هو السبب؟؟ أفتوني يا جماعة قبال أنطس في نافوخي وأقبل بعرض العزيزة أمال الشيخ .. (إنشاء الله ما تكون غيرت رائيها)! يلا تشششششاااااوووو .. عالم تجيب النقطة ..!!!