أيوة يا الرشيد كلامك صاح
لكن بس يا اخوي البديل هو البفرض نفسو ويفرض مبادئه ويبدأ في عملية اقتلاع الاشجار التي تحجبه عن الناس ... موش ينتظر الناس يجوا يقلعوا ليهو الشجر عشان يكتشفوا إنه بديل
خذ عندك الشاعر الشاب هشام الجخ ... اتخيل معاي لمن يلاقوك عشرات من الشباب يقولوا ليك ماشين نحضر ليلة شعرية ... موش حاجة غريبة شوية في زمنا دا ... شباب وكمان ماشين يحضروا ليلة شعرية ... الدنيا دي اتغيرت ولا الحصل فيها شنو ... الحصل انه هشام الجخ بقدرته الابداعية قدر يقنع الشباب ديل انه الشعر افضل واسمى وانبل من جلوسكم في البارات والغرز ومشاهدة الافلام الثقافية
وقس على ذلك بلال فضل وكتاباته الثورية ذات السخرية السوداء ، اقنعت الشباب المصري انه القراءة أفضل شيء في الوجود وأن الكتاب هو أفضل صديق لك فبالتالي قاموا الشباب ديل بدخول عالم المعرفة والثقافة
وبرضو عندك دينا مسعود اقنعت الشباب بصوتها الزي فلق الصباح انه يسمع اغاني تعيده إلى الجذور والريف حيث نبل الاخلاق والانسانية الصافية
اها يا الرشيد يا اخوي ديل بدلاء لكن فرضهم نفسهم ، وما انتظروا الناس يجوهم ويقعدهم في كراسي ويدوهم مايكات عشان يسمعوهم ابداعهم
ولكن ابداعهم هو الاجبر الناس تغير اهتماماتها وتبدل مفاهيمها ونظرتها للأشياء
|