[مرافي]

المشاركة الأصلية كتبت بواسطة ناصر يوسف

مرافئ أختي

سلام وسلام وسلام

الناس ديل جايين وكل زول بيجي بمقدار ما بقدر عليه

الحزن واحد والفقد واحد

بس قدرة تحمل الحزن ما واحدة أو هكذا خلقنا الله جلَ وعلا

ودرجة القدرة علي التحمل والصبر النبيل برضو ما واحدة

ودرجة إنهم يجوا ويكتبوا هنا برضو ما واحدة

هم قاعدين في جمر أحزانهم علي رحيل خالد أخوي وأخوك وأخوهم

وأنا ناديت عليهم بأن هلموا لحمل الأمانة

وهم جايين

صدقيني جايين يا مرافئ

وحيجي اليوم اليكتمل فيه العقد

كلللللهم حيكونوا هنا

صدقيني

رحمة الله تغشاك يا خالد

اخي ناصر الله يصبرنا جميعاً

الحزن مع الجماعة فيه بعض سلوى

كم منا يكابد ويكتوي بلظى الفجيعة وحيداً

في المشارق والمغارب والمنافي والفيافي هناك من يبكي بصمت ويتحرق

وهنا في سودانيات بيت العزاء هنا نتلاقي (نجوعر) ننتحب باعلى الصوت

واعلم ان كل يبكى في هذا السرادق سوف يتخلص من عبرته وغصته التي تسد

مسارب الروح قبل الحلق

فدعونا نتقالد ونعزي بعضنا ونسكب عبراتنا هنا في سودانيات

وبعدها اقله سنتعافى من (خنقة) العبرة

رحمة الله عليك خالد والحمد لله