[الأغبش]

المشاركة الأصلية كتبت بواسطة فتحي مسعد حنفي

محمد عكود عرفتك من آراء بعض الشباب في فنرة لقائك بهم عندما كان عبد العزيز في السودان..والكل كان بشكر فيك حتي بالغوا في وصفك بالظرف..
مالك ياولدي .. انت ما فكرت في عواقب الكتبتو هنا قبل ما تنزلو ياخ دي كتابة زول أنا لو داير أوصفا ما حألقي ليها وصف غير اني أقول : أهو محمد عكود دا مثال حي بيثبت انو الانقاذ جننت خيرة شباب الوطن..تعرف ليه عشان يامحمد أشرف لي وليك انك تطلع مجنون بدل ما الناس تقعد تحلل في شخصيتك الجديدة دي.. أهو المحاميين عشان يطلعوا متهم بالقتل بقولوا انو قتل وهو في حالة جنون..
وقف المهزلة دي وياريت تطلب من الادارة حزف البوست دا وحمدالله علي السلامة..

سلامات ياخواجه ..
معليش اقتبس ردك ده لأنو لقيتو أنسب مقدمة للعايز أقولو..
زي كثيري ما كنت عايز اتداخل في الموضوع ده من أصلو ..
لما قريت عنو صدقت كل كلمة فيهو اتكتبت لأنو ما بعيد علي أجهزة الأمن تعمل كده ..
لكن بكل صراحة لما شاهدت الفيديو غيرن رأيي وممكن تقول علي العايز تقولو لكن البت ما مقنعة ..
خلينا من كل التحاليل النظرية القالها محمد هناك وحاول تفسيرها بالمنطق ..
في إحساسك بالزولالبتكلم عن ظلم تعرض ليهو ..
ما حسيت بيها صادقة وهي بتتكلم عن فجيعة بهذا القدر وعن نفسها ..حتي انها في نقاط معينة تحاول التباكي وتفشل ..فلو كان الإحساس صادقا لما وجدت عناء في ذلك حتي لو طالت المدة ..
حتي الرجال عندما يتحدث الواحد منهم عن مرارة ظلم تحس بذلك في صوته وفي تعابيره ..فما بالك بإمرأة .. وظُلمت في أعز ما تملك ..
فعلاً حاجة تحير .. الزول البقول في الكلام ما مقنعك ..وفي نفس الوقت تتحير كيف ممكن يكون ما صادق ويلصق بنفسو تهمه زي دي .. حاجه تحير جد

زي ما قلت كنت عايز أقول الكلام ده من أمس لكن لاوزت من زي مداخلتك دي لأنو شايف التعاطف الكبير معاها ..

وعلي كلٍ لو كانت صادقة لنا ولها الله ..
إن كانت غير ذلك شفاها الله وعافاها ..